Yasmin

“عمرك شفت بذرة
!بيلفوها ف كفن
عمرك شفت بذرة ماتت
!لما بتتدفن
طب عمرك شفت فكرة ما
محفورة ف ورق الحياة
صابها العفن؟”
― عبد الحميد عبد اللطيف, العد التنازلي للأيام

“لا تسلم نفسك لحلم يشابه الحقيقة، بل عش داخل الحقيقة التي تشابه الحلم”
― عبد الحميد عبد اللطيف, الغامض

“بحاول ف حدود المتاح
بحاول أفهم
بحاول أحلم بـ اللي جي
و ساعات أقلب ف اللي فات
مفهمش
أنا كنت ميت و لا حي!
و ساعات كتير
و أنا ماشي ف شوارع الذكريات
أبص ع المكان وأضحك
و ساعات مابصش عشان مابكيش
لكن ببكي
ساعات بحب أحكي
ساعات مبتكلمش
و أبص لصورتك ف محفظتي و أقول
اللي خلقك خلق غيرك
هقطعها
و ساعات لساعات أبص ف عينك وأقول
ده غيرك انتِ ما في زي
و أحس إن أنا قاعد تحت شجرة ف الجنة
و أحس إن أنا ف النار
لكن الأصعب إني أحتار
و أكون ف النص
لا أنا عارف
طب أنا عاقل ولا مجنون
راجع ولا بتقدم
جاني ولا مجني عليه
عايز مين وعايز إيه؟
وليه دايما
برسم لوحتي و تعجبني
فأقوم دالق عليها الحبر!
عرفت كتير و فارقوني
لكن عمري ما أفارق حد
و أهزر كتير جدا
و مهزرش وقت الجد
ساعات أنام ثواني ف شهر
و ساعات أنام بالشهر
و العب مع نفسي كر و فر
و تكسبني و مكسبهاش!
و أرمي نفسي علي سريري
و نداهة ف تفكيري بتندهني
لكن مبندهاش!
فأنام و لو صحيت حي
بحاول ف حدود المتاح
و بحاول أفهم
و بحاول أحلم بـ اللي جي!”
― عبد الحميد عبد اللطيف, العد التنازلي للأيام

“لنا عـند الله رزقٌ و رضـا .. لا تطـلبـوا الأولى إلا و قد طلبتم معهـا الثـانيـة
وحـده الله يتكفل بالرزق و بالرضا به .. جميلٌ ربي أحبـه”
― إسلام حجي, لحظة من فضلك الحياة لا ترجع إلي الخلف