Reham

“سيب
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― مصطفى إبراهيم, المانيفستو

“ما بيبكيناش ف غيابكم إلا الشوق
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― مصطفى إبراهيم, المانيفستو

“الخائفون من الفراق.. والخائفات
والعارفون ان اللقا بيدوم ساعات
كل فى فلك يسبحون.. ويذبحون
عمر الحاجات الجاية على حس اللى فات”
― مصطفى إبراهيم, المانيفستو

“اتغيرت وبقيت بعرف اسكت وانا جوايا بركان غضب

اتغيرت وبقيت بضحك من كتر الوجع”
― منار احمد هانى