سور الأزبكية

“هعمل بعيّط .. وانتي هتطبطبي
هعمل بخبّط .. تفتحي ف كونك
هعمل حاجات يعملها أصغر صبي
لاكِن (بحبِك) صادقة لعيونك”
― محمد سمير مصباح

“يا عُهر ساكن قلبنا وقلب الحياة
كام حد زرته زينا وردك بـ لا ؟!”
― محمد سمير مصباح

“ضرب الودع للجدع
زي السهام والقوس
يا تصيب وتعمل بدع
يا تخيب وتقطم رووس”
― محمد سمير مصباح, من أسباب البكا

“أنا الذي ضيَّع ف الأوهام عمره .. وابتسم
وحط قلبه ف قمقمه و سابه
الدمع كُبري لارتياحه و ضحكته
الناس معاه أشباه شبح
غير الصحاب .. وبنت واحده حبها
والكلمة هي همومه و حسابه
أنا الذي ..
عامل مشاعره بشاعرية لوح إزاز
فكان طبيعي انه اتكسر
من طوب بشر !”
― محمد سمير مصباح, من أسباب البكا