Rovida Adel

“بس ماكانش المفروض
/ تحنّ
للبلكونة اللي ما بتطلش يوميا غير على نفس الشارع
البلكونة اللي مابقتش تساع خطاويك لما بترقص
على أنغام غنوة جاية من مكان غامض
عارف
اللي علمك الرقص :
الوحدة
وكتر المرايات”
― محمد خير, ليل خارجي

“حبيبك بيعشق معاك ألف حد
وتسأل يقولك
مفيش أي حد
ويحلف ويزعل
كأن اللي كان
هزار دمه بارد
ليقلب بجد”
― أحمد العايدي, العشق السادي

“كنت متخيلة إن دايما عندي إجابة لكل سؤال ! بس فيه حاجات بيكون لطيف فيها إني أسيب نفسي وما أسألش .. بعدين أبقى أعرف ليه .. أو حتى ما أعرفش .. مش مشكلة .. رغم أنها كانت دايما مشكلة .. لكن المرة دي .. مش مهم .. عارفة نهاية الفيلم و مش مهتمة .. أنا بس مش قادرة أتخيل خسارتك تاني .. مش هاستحمل .. خليك في الضلمة .. أنا راضية.. تخيل.. راضية تفضل في الضلمة وأفضل أنا أتهمك زور إنك مش موجود.. على الأقل هفضل متشعبطة في ديل حلم.. إنما لو عديت كده مرور الكرام .. واختفيت زي ما في يوم اختفيت.. أنا مش هسامحك.. هاموت.. أنا باخرف.”
― أحمد مراد, الفيل الأزرق

“تشتهي حد عارفة
انه عمره ما حيشتريها
تبكي ف أواخر
كلامه في المكالمة
وان سألها صوتها ماله؟
تقوله "عادي
انا عندي برد"..
ولأنه مكانش بيطَّمن بجد
ما يصدَّق يقفل
في الكلام
ويقول سلام”
― أحمد العايدي