el sayed

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“قدم البيت
اتهدت قبله بيوت وبيوت
واصيل هوه
مستنيني لما اموت
حاتيجي العيد الجاي
واذا جيت ..
حاتجيني الجاي؟
وحاتشرب مع يامنه الشاي؟
حاجي ياعمه ..
وجيت…
لا لقيت يامنه ولا البيت!!”
― عبد الرحمن الأبنودي, المختارات يامنة وقصائد أخرى

“فكرت حتي اكتب ورق بس الكلام مني انسرق !”
― Mohamed Robinho

“حَرف "لُطفْ"

كُل عُشاق الهوى إتمنوا ياما
يجمعوا كُل الأمانى فـ حَرف عَطف

حرف يقوى ع المرار و يشيل جبال
حرف يبقى ملكنا من غير جدال

حرف يجمع كل معنى الحب بالحروف
حرف لطف نعيش حلاوته متكونش راكنة ع الرفوف

حرف يجمع حُبنا من غير تلاقى
حرف بعده مفيش كلام فـ الحب باقى

وأما حبيتك لقيت لزماً ضرورى
يكون ما بينّا حَرف "لُطفْ"

والعَطف غير اللُطفْ

اللُطفْ حنيّه والعَطف شَفَقه
فبلاش تتأمّرى عليا

عاملينى بإستلطاف حبيبتى
مش تعطفى عليا ...!”
― Mohamed Robinho