Dileep Dharman

“ഒരാളുടെ മിഴി അടയുമ്പോൾ അണഞ്ഞുപോകുന്ന ഒറ്റത്തിരിയിട്ട വിളക്കല്ല കാത്തിരിപ്പ്. അതിനു തുടർച്ചകളുണ്ട്. അങ്ങനെയാണ് മനുഷ്യന്റെ സ്വപ്നങ്ങൾക്ക് നൈരന്തര്യം ഉണ്ടാകുന്നത്. അത് അലസതയുടെയോ നിസ്സംഗതയുടെയോ പര്യായമായി ഗണിക്കപ്പെടേണ്ട വാക്കുമല്ല. കർമ്മവും കൃപയും ഒരേ ബിന്ദുവിൽ സന്ധിക്കുന്ന ചക്രവാളമാണാ വാക്ക്.”
― Bobby Jose Kattikadu, Koott

“ആഴക്കടലിൽ നിന്ന് തിരയെടുത്തുകൊണ്ടുവന്ന് സമ്മാനിച്ച പ്രണയത്തിന്റെ ഒരു വലംപിരിശംഖുൾപ്പെടെ.”
― Bobby Jose Kattikadu, Koott

“റൂമിയുടെ കവിതയിലെന്നപോലെ പുറത്താരാണെന്ന് അവൾ ചോദിക്കുമ്പോൾ ഞാനാണെന്ന് പറയരുത്. രണ്ട് പേർക്കിടമില്ലെന്ന് പറഞ്ഞ് അവൾ നിന്നെ നിരാകരിക്കും. പറയണം, പുറത്ത് മഞ്ഞും മഴയും വെയിലുമേറ്റ് നിൽക്കുന്നത് നീ തന്നെയാണ്. അപ്പോൾ വാതിലുകൾ മലർക്കെ തുറക്കപ്പെടും.”
― Bobby Jose Kattikadu, Koott

“ഒറ്റയ്ക്കിരിക്കുന്നവന്റെ സ്വപ്നമാണ് കൂട്ട്.”
― Bobby Jose Kattikadu, Koott