حسن الدهراوي

“المشكلة في انك تعرف بنات
مش انك هيتقال عليك صايع
ولا حتي انك مقطع السمكة
ومقضيها وضايع
وواكل من كل مخبر رغيف
لأ
المشكلة انك بتبقي خلاص
مش اي حاجة بتعجبك
ولا اي كلام يأثر فيك
من الاخر
قلبك مبقاش نضيف

قلبك مبقاش ضعيف
مش اي حاجة تحركه وترسيه
وصعب حد بالساهل يسكن فيه
هتفضل تقارن و تجرب
وتبعد عنه و تقرب
وفي الاخر
علي فشوش
واللي اخطر
لو كان أول حب في حياتك
مبتنساهوش
وتكون موهوب زيي في حفظ الوشوش
ساعتها هتتعب سنين
اه يخلق من الشبه اربعين
بس كلهم فالصو
فالصو ومينفعوش”
― حسن الدهراوي