0 ratings (0.0 avg)
0 reviews

Amr

Add friend

Amr’s Bookshelves

to-read‎ (1)

currently-reading‎ (0)

read‎ (1)

Stats | More…

“أيه الجديد ؟

الطير جناحه بيتربط لسه فى حديد

لسه العبيد عايشين عبيد بالاقتناع

كل اللى فاضل يعلنوها على المشاع

ان اللى خان كان مشترى

وان اللى مات هو اللى باع

بالذمة مين المستفيد

فرعون جديد

وللا اللى فات هو الملك

وللا احنا شعب بزمبلك

يؤمر نطيع

يشخط نبيع

معقول يكون لسه القطيع.. عايشين قطيع

وفرحانين بالمألسه والابلسه والملعنه

معقول تكون لسه الامانى

رغم اللى كان مش ممكنة ؟؟”
― محمد السيد, أبيض غامق

80 likes

“بتسهر لوحدك
وتقعد معاك
وتسأل تجاوب وتعتب عليك
تبوحلك بسرك
وتضحك في سرك
وتبكي في سرك وتقفل عنيك
بتحلم وتسرح
ووهمك ملاذ
وتكدب تصدق بدون انحياز
لأن بتنسي ان روحك إزاز
بتفضح ضميرك قصادك أوام
بترجع في رأيك وتنسي الكلام
وبعد المداولة
بتخسر محاولة
وتلقي ان اولي
تسيبك لوحدك
وتدخل تنام”
― محمد السيد

58 likes

“اكتئب
اقعد لوحدك
اصنع العُزلة اللعينة
وإعمل البحر بدموعك
وإرمى قلبك فيه سفينة
وأمّا تبكى البحر يعلى
يرتجف قلبك يتوه
وقتها روحك هتصرخ
إلحقونى ياناس ياهوه
قلبى غرقااااان ...إلحقوه
بس مين ياخد بايدك
وانت مختار تكتئب وتكون لوحدك”
― محمد السيد

130 likes

“كل ثورة وانت طيب
وانت طيب وابن ناس
ثورة ايه فكك خلاص
اللي مات الله يباركله
و الشهيد في الجنة فوق
وانت فاهم وابن سوق
الشهيد بقي ليه معاش
يعني دمه ماهوش بلاش
والقضايا في المحاكم
والمحاكم ليها قاضي
ربنا يطول في عمرك
كل ثورة وانت فاضي
وانت راضي ومستقر
عايز اقولك كلمة سر
عجلة الانتاج سليمة
انما حكومتك لئيمة
دول بيخزو العين ياباشا
واحنا اصلا في انتعاشة
والفلوس رجعت يا مان
كل ثورة وانت شايف
قلة واقفة في الميدان
والشيوخ في البرلمان
والعصابة في اللومان
واحنا عايشين في الأمان
حتي مش عايزين بوليس
ده احنا فلسعنا الوريث
والسؤال العادي جدا
عامل ايه من غير رئيس
كل ثورة وانت طيب
خد شوية كمان في كيس”
― محمد السيد

48 likes