Hadeer

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“انساب وليه تنربط
ياللى ف ضهرك جناح
احزن عشان تنبسط
وموت علشان ترتاح
دا الموت يعيدك لأصلك
بس انت موتك معصلج
ياللى انت وشك غريب
ياللى انت قلبك محاصرك
انساب و ليه تنربط
ياللى فى ضهرك جناح
احزن عشان تنبسط
و موت علشان ترتاح
امشى فى حظر التجول
واضحك فى عين التسول
تعتـر على المفتــاح
انساب”
― ميدو زهير

“أريد أن أرحل عن مدن لا تشبهني إلى مدن لا تعرفني ♥
فربما إن رحلت تختفي ملامحك من عيني ♥”
― رشا نعمان