Yasmin Abo Zaid

“كل الحاجات بتفكرني
بعيون حيرتها تحيرني
والذكرى مش بتصبرني
تمر صورتك اتبسم
الابتسامه تعذبني
كل الحاجات حواليا تدور
زي الحيطان بتداري النور
وقلبي من بعد الطيران
ما حيلته الا جناح مكسور
دلوقتي مهما اقول الآه
وانت بعيد مين يسمعني



كل الحاجات الا عيونك ممكن انسى
كل الحاجات من حواليا عارفة وحاسة
ضاع الونس يا قمر غايب
بعدك ماليش اي حبايب
دلوقتي حتى بخاف حزني يبعد عني
كل الحاجات كانت تضحك لما اقابلك
لا عرفت نفسي من قبلك ولا من بعدك
قبلك ماكانليش ولا حاجة
بعدك سنيني محتاجه
ياريت تشوف دمعه صوتي لما أغني”
― عبدالرحمن الأبنودي

“يا رب
خلّي المراكب تهتدي للبر
خلي النايات اللي تمدح في النبي تخضر
في الفجر والنور
و الضلام بيزول
برفع إيديّا وأقول

يا رب
خلّي المراكب كلها تبحّر
خلي النبات اللي بيحب النبي يزهّر
كلامي في كل مرة بالأمل موصول
هداني في الدعوتين
أكرم نبي ورسول”
― فؤاد حداد, الحضرة الزكية