Alfonso Daniel R. Castelao > Quotes

“Fíxenme médico por amor ao meu pai; non exerzo a profesión por amor á humanidade.”
― Alfonso Daniel Rodríguez Castelao

“Pasade caladiños. Estades diante a Fala. Descubrídevos.”
― Castelao

“(...)pero cada vida é unha novela que se perde, porque a Ialma tén máis pudores que o corpo e gusta de taparse con adovíos de imaxinación.”
― CASTELAO. ALFONSO DANIEL RODRIGUEZ CASTELAO

“Vale máis unha terra con árbores nos montes ca un estado con ouro nos bancos.”
― Alfonso Daniel R. Castelao, Sempre en Galiza

“Un segredo tan grande non cabía no meu peito de neno, e axiña que o dependente se perdeu na lonxanía remaneceume o medo de durmir eu soio no mostrador, antre tanto curruncho sombrizo, escoándose polas fendas do tabique lañado a luz do morto. Eu cismaba, cismaba, seguro de morrer de arrepío aquela noite, e a norte xa me parecía o xeito de libertarme do medo.”
― Alfonso Daniel R. Castelao, Retrincos / Un ollo de vidro

“A paisaxe non ten o ledo verdor das terras cháns e abertas que Pedro alvistou dende o tren. O coche vai rolando, a tombos, por gándaras ermas e lombos areosos; baixa polas abas dun monte cuberto con herbas do demo, para caer en tremedales de xuncos; gabea por outeiros con alfarrobeiras e corre por chairas tiñosas. Xa decorreron moitas horas de andadura, a rolar por soedades, e no devalo do día, aparece un casal, alá no fondo, á veira dunha lagoa, espello morto de augas salitrosas.”
― Alfonso Daniel R. Castelao, Os dous de sempre