إسراء مقيدم > Quotes

“يا ربنا ..
لا تبتلينا بالسكوت
لما الكلام بيموت
و يعيش قتيل فينا
لا تبتلينا بكلمة واقفة فـ حلقنا
من حقنا قدام سبيل البوح
ترزقنا بلة ريق تكفينا”
― إسراء مقيدم, ما تيسر من سيرة الخايفين

“قيس الولد على قد ضحكاته
و قيس عليه الغنوة و التباسيم
و إفرح لإنه قال في ساعة الموت
إطمنوا ..
القلب لسه سليم
القلب عاش على قد دقاته
و الخُلد علقم .. طعم مره سقيم
و برغم ضعف النبص جوه الصوت
تاوى الولد .. أغانيه في شق الزمن
مع إنها لو تتحسب بالشجن
تلقى اللي فايته في الحياة
! فاته”
― إسراء مقيدم, ما تيسر من سيرة الخايفين

“المجد للى متّبتين فى الإنتشاء
و المؤمنين إن الغُنا
وَنسك لأخر بُعد فى حدود السباق”
― إسراء مقيدم, ما تيسر من سيرة الخايفين

“اللي مات ..
لضم دايرة إكتمال البدء بالنهاية..
أما اللي عايش,
لسة متخيّط من جميع الجهات”
― إسراء مقيدم

“عَد خطواته اللى ماتت
جوه سكة مابتدتش
فاختصر طول المسافة
بالرجوع.”
― إسراء مقيدم, ما تيسر من سيرة الخايفين

“ذكرى اللي غاب
بتسيب فضا جواك
تجاويفه لو مُرّة
بالوقت نتعود عليه
صهد الغياب ..
لُه لسعة غاوية تشكّ روحك كلّ مرّة
تفتكر فيها ال " ما عاد "
و إن المفارق كلّها
تصلح محطات للتلاقي ..
بس أقرب للبعاد
و إن القريبين في المحبّة عند غيرك
عندك انت أقرب أوي لكل البُعاد”
― إسراء مقيدم, ما تيسر من سيرة الخايفين

“البنت سكّة للسفر
و إنت المسافر فيها مهما كان قلبك عجوز
لسّاك فتى”
― إسراء مقيدم, ما تيسر من سيرة الخايفين

“ولاأول يوم حضانة لما ضمة حضن أمك كان غرضها تسكنك ..
بس كانت غصب عنها تدوقك ... طعم الفراق :))”
― إسراء مقيدم

“النور في قلبك .. اوعى يوم تطفيه”
― إسراء مقيدم, ما تيسر من سيرة الخايفين