Tina Hamed's Blog: عاملة نفسي شاعرة

عارف الحياة
انها كلمة
يمكن في يوم تنور
ويمكن تتطفي الضلمة

هفضل أقول "حياة"
لغاية ما أموت
وأفضل حية
بس في سكوت

مقدرتش أضحك ايام ما كانت ..
الأبتسامة من غير فلوس ..
أزاى هخلى قلبي يضحك ..
وهو في نفسه محبوس ..
محبوس في حزنه محبوس في آلمه ..
محبوس كأنه جوة كابوس..
علشان صاحبته مشيت وسابته ..
هى اللى خلقت جواه كئابته..

راحت تدور على عقل صاحي..
يفهم ويفكر لكن مجنون..
عقل بيعرف يتكلم و ..
كلامه عاقل لكن مسنون ..
يجرح كل البشر يعادى ..
فخور بنفسه مهما يكون ..
كان ذكائه كل حياته ..
وفاكر عواطفه سبب مماته ..