مش هاممني
انا مش هاممنى غير انتي
و تفكيرك..و احساسك
و رسمة قلب ف كراسك
و اسمى اللى محفور ف الدكة
و كلامك ليا فى السكة
و انتى مروحة بيتك
انا مش هاممني غير همك
و آلامك..و احزانك
و الأسود جوة ألوانك
و تكتّمينى عالأسرار
و تشَهّدينى فى المشوار
و حلم كان من تربيتك
انا مش هاممنى غير زعلك
و شعور الوحدة جواكى
و ضعفك بعد قواكى
و تدبلي زى ورق التوت
و البسمة اللى خلاص هتموت
ف حرب مفيهاش ولا هدنة
انا مش هاممنى غير تعبك
و صوتك اللى اكيد مبحوح
من كتر القشعرة و النوح
و حلقك اللى زمانه جف
و بحلقتك ف قلب السقف
من حظ سوءه يقصدنا
انا مش هاممنى غير وقتك
و حلمك اللى متشخبط
و قلبك اللى متلخبط
و طيبتك اللى حبيتها
و بياض روحك..و نيتها
و هزارك لما ينكشنى
انا مش هاممنى غير احنا
و احلامنا..و ملامحنا
و ممنوعنا..و تصاريحنا
و مهمومنا..و مرسومنا
و تماسينا..و تصابيحنا
انا مش هاممنى غير حبك
و حاجات كتير هتوحشنى
و تفكيرك..و احساسك
و رسمة قلب ف كراسك
و اسمى اللى محفور ف الدكة
و كلامك ليا فى السكة
و انتى مروحة بيتك
انا مش هاممني غير همك
و آلامك..و احزانك
و الأسود جوة ألوانك
و تكتّمينى عالأسرار
و تشَهّدينى فى المشوار
و حلم كان من تربيتك
انا مش هاممنى غير زعلك
و شعور الوحدة جواكى
و ضعفك بعد قواكى
و تدبلي زى ورق التوت
و البسمة اللى خلاص هتموت
ف حرب مفيهاش ولا هدنة
انا مش هاممنى غير تعبك
و صوتك اللى اكيد مبحوح
من كتر القشعرة و النوح
و حلقك اللى زمانه جف
و بحلقتك ف قلب السقف
من حظ سوءه يقصدنا
انا مش هاممنى غير وقتك
و حلمك اللى متشخبط
و قلبك اللى متلخبط
و طيبتك اللى حبيتها
و بياض روحك..و نيتها
و هزارك لما ينكشنى
انا مش هاممنى غير احنا
و احلامنا..و ملامحنا
و ممنوعنا..و تصاريحنا
و مهمومنا..و مرسومنا
و تماسينا..و تصابيحنا
انا مش هاممنى غير حبك
و حاجات كتير هتوحشنى
No comments have been added yet.
