الله الرحمن الرحيم

ايميونيتى

أحمد الحصري مؤمن هلال

عندما تنهار السفينه ويسقط الجميع فى البحر يحاول الكل بلا استثناء

العوم والنجاه بارواحهم والتمسك بالحياه



حتى الذى لا يجيد السباحه فانه ايضا يستمر فى مقاومه الامواج المصطدمه بجسده ويظل يضرب فى المياه بكل ما اؤتى من قوه

بالرغم من تيقنه ان النهايه محتومه

فهو لا يحسن العوم فمن المؤكد ان المياه سوف تهزمه ولكنه يظل متشبسا بسلاح الامل

فمنا من يكون غريق فى همومه ومنا من يكون غريق فى حبه والاخر يكون غريق فى مستقبله المتشح بالسواد

ولكن على الاطلاق لا يوجد ما هو اسوا من غرق الامم وبها تنهار كل الاحلام والطموحات وانعدام الامل يجعل الغد افضل

لذلك ليس عليها مجرد العوم ولكن عليها التحليق كالنسر فوق غيوم الفساد والسرقه وانعدام الضمير

فوق غيوم الخيانه والولاء للغير

فوق غيوم الجهل واختفاء النور

عندما تسقط الامه ينهار كل شئ ولا يستطيع علمها اثبات اى حقيقه سوى جهلها ويكون

الكذب الوسيله الوحيده لاثبات الصدق

مازالت اواصل قراءه الجريده لانشغل بها عن ثرثار عم محمود

الذى لا يكف ابدا عن الكلام وبالاخص عن السياسه

ولن يجد فرصه افضل من توقفنا باشاره المرور لانتهازها

وها هو ينظر لى عبر مراه القياده مترقبا احرك ناظرى

من على الجريده حتى يبداالانقضاض بالحديث معى

كانقضاض الاسد على فريسته

خير ياعم محمود عاوز تقولى حاجه

يرضيك يادكتور سليم اللى بيحصل ده شكلها كده هتقوم حرب تانى

ها هو عم محمود يخرج الخبير الاستراتيجى الذى بداخله ويتنبأ

بقيام حرب جديده

ثم يستانف كلامه

ما هو اما يجى اليوم اللى دوله ديميتيدو اللى ملهاش لازمه

يتجرأوا علينا بالشكل ده

ويتهمونا اننا خاطفين رئيس الوزراء بتاعهم يبقى كده موازين

الدنيا اتغيرت ولازم نفكرهم ونعرفهم انهم كده واقفين قدام دوله

بريدادور

واستمر عم محمود بالحديث

ولكنى لم استطع سماع ما يقول واستدرت بناظرى الى الماره

وبات ذهنى شاردا ومتسائلا ماذا يمكن ان تصنع بنا الحروب

غير اقناعنا باننا نعيش مثل الحيوانات فى الغابه

والبقاء فقط للاقوى

ها قد حانت لي الفرصه للتنصل من الجلوس في تلك العربة

الفارهة التي تجعلني اشعر بالخزي بالتنعم بخيرات الأمة التي

هي من حق كل فقير في تلك البلاد غير أن الاهتمام في دولة

مثلنا تتلذذ بالحروب وتظن أن للقوة مفعول السحر في

اكتساب احترام الامم ،فبكل تأكيد لرجل مثلي المسؤول الأول

عن أكبر مفاعل في دولة بريدادور شأن ووضع اجتماعي مبالغ

فيه

وما أكنت اعلم ولايجول في خاطري أن ابحاثي عن

الاستخدام السلمي للطاقة النووية يتحول الي ابحاث لتدمير

البشرية ،وعلي غير العاده افراد الأمن المكلفين بحراسة المكان

لايرتدون مهمات السلامة رغم تحذيراتي مرارا وتكرارا اعتقد

العمل بمفاعل نووي مختلف تماما عن العمل في الماركت

ويحتاج الي اليقظة لأن آخر فحص دوري للعاملين بالمفاعل

تبين زيادة نسبة الاشعاع والبعض أصيب بسرطان العظام

وصلت مكتبى حيث البيروقراطيه في أوج صورها مكتب

فخم لعالم يفيد البشرية بعلمة أو لطبيب يصنع من يومة مرتع

لراحة المرضي أو لمعلم يصنع اجيال ويحيي أمم وقد كان

يكون لي لو أن ابحاثي كانت في مكانها الصحيح

،

ارتديت البالطو ثم قبضت بيدى على سماعه الهاتف

من فضلك يادكتور حلمى تعالى المكتب حالا

هممت بالعبث بهاتفي فهذا هو الوقت الذي يسمح لي بالولوج

في العالم المحيط غير ذلك لا يكن في قاموسي سوي

يورانيوم ،نيترون ،طرد مركزي ،اشعاع ،مبادل حراري

كلمات رتيبة في علم هو من افضل العلوم جمعاء ولكن

ما الفائده من علم لا ينفع

وصل حلمي الي مكتبي فهو المساعد المخلص لي في هذا المكان والمأنس لوحشتي أنا لا أبغضة غير أني لا أؤيد الحرب وأبغضها

صباح الخير يادكتور سليم

صباح الخير يا حلمى،ممكن حضرتك تقولي ازاي الكاشير الي

علي البوابة بيقولي الحساب أغلي من الحاجات الي أشتريتها

كاشير أية يا فندم مع ضحكة مكتومة خرجت من حلمي

أية دة مش أحنا في هايبر ديبادور

خير بس يا فندم

طبعا لعلم حلمي بأسلوبي الساخر فطن الي كلامي

يعني أية عاملين داخل مفاعل نووي مش مرتدين زي السلامة

فين دة يافندم

معلش هغير النضارة يا حلمي بية

مش قصدي يافندم

طيب اتفضل بص كدة

آسف يافندم حالا هيتحولوا للتحقيق وهنتدارك الموقف

بدأت أتدارك أني قد أغضبت أعز الاصدقاء الي قلبي

هاه ايه الاخبار في جديد مع ابتسامة أسف

عادت لوجة حلمي الدماء بعد أن غابت عنة للحظات

وفد دومينادور وصل من ساعه ومعاه دكتور احمد واول ما يخلص

هيكلمنا وده الملف وفيه اسماء الوفد كله

فتحت الملف وبدا على وجهى علامات الاستغراب

مالك يادكتور سليم مستغرب ليه

مش غريبه يا حلمى مفيش ولا واحد من الدكاتره دى نعرفهم

كلهم اسماء غريبه عليا

دفع احمد الباب ودخل

كله تمام يا دكتور سليم والوفد منتظر حضرتك فى القاعه

والله ما انت تاعب نفسك انا قلت لازم اجيلك بنفسى

وانول شرف انى اشرب قهوه مع دكتور سليم لوحدنا

.


تسمر الجميع



نظرت الى حلمى بدهشه بالغه الذى هم بالقيام
للخروج هو واحمد

حتى انهى حوارى مع هذا الشخص الغريب
الذى طبقا للملف هو دكتور نادر رئيس وفد
دومينادور
ولكن اسلوبه وملامحه لايوحيان بهذا على الاطلاق


قهوتى مظبوطه يا سليم
معلشى بقى انى بشيل الالقاب بس ده والله من عشمى

ما هذا الشخص الغريب الذى تنعدم عنده ادنى حدود اللباقه

والذوق ولا يتواجد داخلى سوى احساس مريب ناحيته

ايه الميداليه الغريبه دى ياسليم

لقد امسك بالميداليه الخاصه بى وما هى الا عمله معدنيه قديمه
مختفيه كل ملامحها ولا يوجد عليها اى شئ واضح ودائما ما تثير استغراب الاخرين


مش غريبه واحد فى قيمتك ومكانتك يشيل حاجه بالمنظر ده
يا سليم ولا هى من شخص عزيز عليك

خطفتها من يده وباليد الاخرى قدمت له القهوه ولكنه نظر اليها دون ان يمد يده

متشكر يا سليم اشربها انت بقى عشان انا مش فاضى ورانا شغل كتير

اتسائل فى قراره نفسى ماذا يقول هذا المخبول

شغل ايه يادكتور نادر اللى انت بتقول عليه هو انت هتزوروا
مكان تانى هنا فى بريدادور

لا ياسليم فى الحقيقه شغلى كله هنا

هنا فين يا دكتور نادر

لا يا سليم مش هنروح مكان تانى شغلى كله هيكون هنا
اعذرنى بقى ياسليم انشغلت ونسيت اقولك انى من اللحظه

انا المسؤل الاول عن المفاعل وانتوا هتبقوا ضيوفى معززين
مكرمين لحد ما اخلص شغلى
فلازم تبقوا ضيوف خفاف عشان لو لاقيت ضيف تقيل
مش هيلاقى واجب ضيافه غير ده

واشار بيده تجاه المسدس المعلق ببنطاله



لم اكد اتدارك ما اسمعه حتى سقط كوب القهوه من يدى

ولم القى الاكرسى مكتبى القى بجسدى عليه حتى استطيع
استجماع افكارى

دلق القهوه خير ياسليم

انت اكيد مجنون

مينفعش كده انت لازم تهدى يا سليم ومتتهورش ده شغل هنخلصه
ونمشى على طول

شغل ايه ده اللى جاى تخلصه بالسلاح

تيسير الدمنهورى

رئيس وزراء ديميتيدوا!!!!

عليك نور يادكتور

بس ايه علاقه دومينادور برئيس وزراء ديمتيدوا

ده بقى مش شغلك خالص يا دكتور ومش مطلوب منك تعرف
اسباب ده ايه
الحاجه الوحيده المطلوبه منك انك تنفذ كل اللى هقولك عليه
عشان نفضل صحاب
ونطلع كاملين مش ناقص مننا حد


ما الداعى بان تتدخل دومينادور بمشكله بين ديمتيدوا وبريدادور
ما السبب القوى الذى يجعل دومينادور تشترى عداوه بريدادور
من اجله
وما الذى يجعل تيسير مهم بالنسبه لهم لهذه الدرجه
اسئله كثيره بداخلى احاول ايجاد ايجابات لها ولكن
السؤال الاهم هو كيفيه خروجنا من هنا وعدم حدوث
مكروه لاى شخص منا

ولكن تداركت انه من الممكن أن يكون رامبو عصره عميل
سري لدولة سالبة لكل الخيرات لدولة دومتيدوا وذلك مقابل
الحماية من دولتنا الموقره وتستخدمنا زريعة للضغط عليها أنا
الأن أعلم أن دولتنا بلا عقل والدولة المجاورة بلا قوة و هذا
النطع ما هو الا ممثل لدولة تملك للقوة والعقل والعلم وهذا هو
دوري فقد كانت الحياه هنا رتيبة وأن الأوان للعمل علي إخراج
من لا ذنب له حيا حتي وإن كان الثمن هو روحي







علي فكره ياسليم انا مذاكر كويس اوى وقبل ما
اجى هنا دورت ورى كل واحد فيكم وجبت معلومات
اللى ممكن يكون صاحبها اصلا ناسيها
بس لاقيتها كلها حاجات عاديه ومفيش اى حاجه فيها
تلفت الانتباه

غيرك انت يا سليم

كنت دايما فى خلافات فى شغلك ودايما بتصمم على
رايك لحد ما اللى فى دماغك هو اللى يمشى
دايما باصص لفوق وعاوز توصل باى طريقه



بس انا مش شايف ان فيها اى حاجه تلفت الانتباه


لا فيه يادكتور
ما ده ليه معانى يا سليم انك شخص طموح
وفى نفس الوقت عنيد وعشان كده ممكن تتعبنا
فكان لازم ادور على ايديك اللى بتوجعك عشان امسكك منها
وهنا بقى يا سليم الحاجه الغريبه اللى لازم تلفت الانتباه


ان مفيش ولا زوجه ولا عيال ولا اب ولا ام ولا اخ ولا حتى صاحب
يعنى بالبلدى كده مقطوع من شجره
ولا حتى لاقينا الشجره اللى انت مقطوع منها

فكان لازم يكون فيه حل تانى وعشان كده دول هنا

يقولها نادر وهو يقوم بتشغيل شاشه المراقبه الموجوده على مكتبى

قمت مفزوعا من على الأرض
ثم استكمل نادر حديثة
لو انت ملكش حد تخاف عليه
بس احمد وحلمى عندهم
دول بقى اهلهم وحبايبهم ومعارفهم وكمان اللى ممكن يتشددلهم

وضع نادر يده على كتفى واستدار خلفى

مفيش اى حاجه شخصيه ولا عداوه بينا ياسليم
ودى مجرد سياسه مش اكتر من كده

وسياسه ايه دى اللى تخليك تعمل فينا كده

هى نفس السياسه اللى خلتكم تضربوا ديمتيدوا بالنووى
من خمسة عشر سنه يا سليم
ومتقوليش انك نسيت

لا يانادر منستش
بس ده كان فى حاله حرب انما احنا دلوقتى فى وقت سلام

هقولك جمله يا سليم خليك دايما فاكرها اصعب الحروب مبتبقاش غير فى وقت السلام بس بيكون ليها
مسميات تانيه غير اسمها الحقيقى زى مثلا سياسات خارجيه
او مصالح مشتركه
حاجات كده من النوعيه دى

ودلوقتى مصلحتكم المشتركه مع ديمتيدوا

تقدر تقول كده

طب ممكن اقعد مع حلمى واحمد اشرحلهم الوضع دلوقتى

طلباتك اوامر يا سليم
بس قبل ما امشى عاوز اقولك ان الحاجه التانيه اللى مخوفانى ان
احنا الاتنين شبه بعض مبنحبش الخساره