Poetry Name: Samaa Nahi
Poet: Ranjot Singh
Date: 12-01-2020
Time: 03:30 PM

image:


" ਸਮਾਂ ਨਹੀਂ "
ਸਭ ਖੁਸ਼ੀਆਂ ਨੇ ਲੋਕਾਂ ਦੇ ਵਿਹੜਿਆਂ ਵਿੱਚ
ਪਰ ਹੱਸਣ ਲਈ ਹੁਣ ਸਮਾਂ ਨਹੀਂ
ਦਿਨ ਰਾਤ‌ ਦੁਨੀਆਂ ਭੱਜਦੀ ਹੈ
ਪਰ ਜਿੰਦਗੀ ਦੇ ਲਈ ਸਮਾਂ ਨਹੀਂ

ਮਾਂ ਦੀ ਲੋਰੀ ਯਾਦ ਤਾਂ ਹੈ
ਪਰ ਮਾਂ ਕਹਿਣ ਲਈ ਸਮਾਂ ਨਹੀ
ਸਾਰੇ ਰਿਸ਼ਤੇ ਖਤਮ ਤਾਂ ਕਰ ਲਏ ਨੇ
ਹੁਣ ਲੱਭਣ ਦਾ ਵੀ ‌ ਸਮਾਂ ਨਹੀਂ
ਨਾਮ ਯਾਰਾ ਦੇ ਮੋਬਾਇਲਾਂ ਵਿੱਚ ਨੇ
ਪਰ ਯਾਰਾਂ ਦੇ ਲਈ ਸਮਾਂ ਨਹੀ

ਹੋਰਾਂ ਦੀ ਗੱਲ ਮੈਂ ਕੀ ਆਖਾਂ
ਜਦੋਂ ਮੇਰੇ ਲਈ ਵੀ ਸਮਾਂ ਨਹੀਂ
ਅੱਖਾਂ ਵਿੱਚ ਨੀਂਦ ਰੜਕਦੀ ਹੈ
ਪਰ ਸੌਣ ਦੇ ਲਈ ਤਾਂ ਸਮਾਂ ਨਹੀ
ਦਿਲ ਚਾਹੁੰਦਾ ਹੈ ਰੋਣਾ,
ਥੋੜ੍ਹਾ ਜਿਹਾ ਹਲਕਾ ਹੋਣਾ
ਪਰ ਕਿੰਝ ਰੋਵਾਂ ਮੈਂ ?
ਹੁਣ ਰੋਣ ਦੇ ਲਈ ਵੀ ਸਮਾਂ ਨਹੀਂ

ਪੈਸੇ ਦੇ ਲਈ ਅਸੀਂ ਭੱਜਦੇ ਹਾਂ
ਹੁਣ ਥੱਕਣ ਦੇ ਲਈ ਸਮਾਂ ਨਹੀਂ
ਰਣਜੋਤ ਰਿਸ਼ਤਿਆਂ ਦੀ ਕਦਰ ਕਰ
ਜੇ ਆਪਣਿਆਂ ਦੇ ਲਈ ਸਮਾਂ ਨਹੀਂ
ਤਾਂ ਜਿੰਦਗੀ ਜਿਉਣ ਦਾ ਮਜਾ ਨਹੀਂ