صباح بالامل نوره
بيمحي الليل و شروره
ينور سكة التيهين
يبين خيبة السلطين
يجمعنا علي الميدين
ويهتف باسمكم تاني
صباح نادي بالحاني
يدق القلب لتنهيده
ويفرح بهدوم عيده
صباح قايم وهيصلي
ويبكي علي اللي حصلي
من الخونة وفعل الشوم
صباح اغبر ويوم مشئوم
علي الحاكم واعوانه
صباح يهز اركانه
صباح مخنوق في الطوبير
خيف من جهل كل غفير
صباح الزفت علي الطرطير
في كل مكان في اي زمان
بيشتم معشر الكهان
صباحكم شوم يا وش البوم
صباح مجنون عجيب اللون
صباحكم قول وطعمية
يشد الحال يأوجرية
صباح الفل علي الجامعة
صبح يبكي بدون دمعة
علي الجهل و سنين الزل
صباحك مجهول ياست الكل