الناس بخيلين بإنقاذ بعضن...او عالقليلةهيك بيقلي عقليباخر الليل.
وبترجع فيني الذاكرة  بسرعة ١٠٠ كيلوميتر بالساعة بطحش شمال ويمين بكل مفرق. 
كل عمري ببثّ طاقة حاجة تردد بيصول للأطرش، وكثير مرقوا بدربي محملين بنصايح ومهرب. 
بتذكر جمل هون وهنيك، كيف كنت اقعد لحالي حلل واحسب واطرح وسنين مرقتو الذاكرة لساتها موزاييك. 
كل مرة بفاجئ أهلي بيقلولي من وين إلك هالمعلومة؟بقلن "بلّقط"- فاتحة عيوني عالكوكبوالبؤبؤ دايما متوسّع -مهما كان في ضو.. عندي جشع للضو..عطش للشمس.. بستند عكل شي جمعته خلال السنين جوات حالي، خزن مغبّرة ومكركبةوطاولات عليها وراق مبعثرة ومنفضة وصوت بيقلي "لازم تتركي الدخان قبل ما تحاولي تغيري اي شي ثاني." 
الناس بخيلين بإنقاذ بعضن...او عالقليلةهيك بيقلي عقليباخر الليل، 
بحاول ما جادلأو وجّه اصبع الاتهام عالمراية كرمال نقدر ننام.