حاسك مانك على بعضك

ليش انت بتعرف بعضي اصلا

لتعرف اذا كانت على حالها او لا

هنيئا للي بيلاقو الحب الحقيقي 

تبع الأغاني 

أنا حظي حب شعر حر 

بيدور عالقافية بأي محل 

وأغلب الأحيان 

متناقض ولغز 

بيتدعو انو بيفهمو قلة

الله وكيلك مزبلة 

شي مطلق

شي متهجر

شي مهاجر

شي بيشلع وبيبلع

وبيحاصر

وبحسبني غياب اذا ما كان جاي المزاج 

وخدلك عأشخاص كوبي بيست

ومحادثات كوبي بيست

ومشاعر فاااضية كوبي بيست

وانا قاعدة عم حاول اعمل من المزبلة

حديقة بس هي أقربها 

حديقة حيوانات

بأحسن الحالات

حالات انسانية

اما الحب

والحب اللي بيتغنى عنه

ما شمينا ريحته

ولا ممكن بمخفر

دلك عالجاني 

لإنو لحد هلأ بحس 

اني تعرفت بس

 عرجل واحد 

بمئات الأجساد 

أما الحب 

أما الحب 

أما الحب

يا روحي يا روحي 

يا روحي عليه