[image error] محدش يقاطع يا جماعة وحدوا الصفوف حتى لو كلنا مش مقتنعيين بالدستور لازم نتجمع على كلمة (لأ)

فكرة رقم 1
ممكن نطلع نخبط على شقق العمارة بتاعتنا ونفهمهم علشان يقولوا لأ

فكرة رقم 2
اتكلم مع كل أصحاب المحلات اللى حواليك وفهمهم علشان يقولوا لأ

فكرة رقم 3
وانت راكب المشروع (ميكروباص) أتكلم مع الراكبين وفهمهم علشان يقولوا لأ

فكرة رقم 4
أقنع مجموعة من صحابك وخليهم يقنعوا أهلهم وفهمهم علشان يقولوا لأ

فكرة رقم 5
الاستفتاء يوم السبت فأحنا ممكن نستغل العدد اللى بيكون خارج من الصلاه ونوزع ورق بــ (لأ) للدستور حتى لو على نفقتك الخاصة مش حتطبع أكتر من 100 ورقة ومش حيكلفك 10 جنيه.

فكرة رقم 6
حنروح نصوت الصبح بدرى وننزل نتابع الاستفتاء ونصور أى مخالفات لو شوفت حد بيلعب بعقل حد أتدخل لو شوفت ناس بتوزع زيت او سكر او ارز اتحرك معاك الكاميرا وصور المخالفة

فكرة رقم 7
خد على الأقل 4 من الشارع عندك ميكونش عندهم لا فيس بوك ولا تويتر وخليهم يروحوا يقولوا لأ

علشان تنتصر على منافس لازم تلاعبة بنفس أسلوبة مش عيب أبدا انك تقلل من نفسك فى توصيل المعلومة لناس قليلة الوعى والتعليم دة مش تقليل منك بالعكس انت بتنشر الوعى وبتفهم الناس ودة دورنا كشباب كلنا طلاما حطينا نفسنا فى الواجهة والناس كلها بتحلف بينا يبقى لازم نكون قد المسؤولية.