“ആ ഭരണകൂടത്തിലേത് അധികവും വെള്ളയാണ്. കുറച്ച് ചെമ്പന്‍ നിറത്തിലുള്ളതും കാണും. കറുത്തത് ഇല്ലേയില്ല. ഒരു കാലത്ത് നിറയെ കറുത്തവയായിരുന്നുവെന്നും അവറ്റകള്‍ വല്ല കുറ്റവും ചെയ്യുമ്പോള്‍ ഇരുട്ടത്ത് തിരിച്ചറിയാനാവാതെ പോകുന്നതിനാല്‍ ഭരണകൂടം പദ്ധതിയിട്ട് അവയെ ഉന്മൂലനം ചെയ്‍തതാണെന്നും പറയാറുണ്ട്. എന്നിരുന്നാലും, അങ്ങിങ്ങായി കറുത്തവ പ്രത്യക്ഷപ്പെടുക തന്നെ ചെയ്യുന്നുണ്ട്. കറുത്തവയെ കാണുന്നതു തന്നെ വെറുപ്പാണ്. ഉദ്യോഗസ്ഥര്‍ ശ്രദ്ധിക്കും.”