“أنا خايف أكون زعلتك النهارده، وخايف أكون نزلت من عينك، أنا كنت بعمل اللي أنا عايزاه ماكنش بيهمنى.. كنت بغلط وماحسش إني غلطان لأني ماكنتش بشوف الصح.. ماكنش عندي مستوى مقارنة.. كنت فاكر إني بعمل الشيء الطبيعي، لكن لما شفتك حسيت إني فيه حاجة اسمها الصح.. وحسيت إني اللي بعمله مش صح. لكن اعمل إيه.. بعد ستين سنة عمر، مقدرش أغير نفسي في يوم وليلة.. ومافتكرش إن أنا حاعرف أغير نفسي.. وحتى متهيألى أن لازم يبقى فيه في الدنيا ناس زيي.. عشان اللي زيك يبان.. مش المثل قال "وبضدها تتميز الأشياء" لازم يكون فيه خطايا علشان يكون فيه غفران، ولازم يكون فيه غلط علشان يكون فيه صح، ولازم يكون فيه وحش علشان يكون فيه حلو.. ,وإلا لو كانت كل حاجه كويسه وحلوه وصح، كانت الدنيا تبقي مايعه، مالهاش طعم ولا كان حد عرف الكواسه والحلاوة والصح، اعذرني يا معلم "شوشة" واغفر لي ذنوبي ، لأن لولا ذنوبي ماكنش بان بياض طهرك.”