“عقل ملغي
والعين التالتة فيها تراب
وفراغ الروح بقى ثقب أسود
بس مابيسحبش نور
القلب احتلته هي
والربط شغال غصب عني
بين حاجات ما بتدي منطق
بحاجات مش منطقية
الوحدة زادت
والقفل صدى
والحقيقة دفنتها
وعملت حقيقة ليا
الجنون عمال بيضحك
عمال يبرَّق
والدنيا تلج جوا مني
لكني بعَرَق
الفكرة سودا
كام شعرا بيضا؟
والإحساس غير متبادل
طب لما تضحك
ليه بصدق؟
والصراط المستقيم
بدعي ربي ف كل فاتحة
والراية فاتحة
لكني بغرق”