العد التنازلي للأيام Quotes

“عمرك شفت بذرة
!بيلفوها ف كفن
عمرك شفت بذرة ماتت
!لما بتتدفن
طب عمرك شفت فكرة ما
محفورة ف ورق الحياة
صابها العفن؟”
― عبد الحميد عبد اللطيف, العد التنازلي للأيام

“بحاول ف حدود المتاح
بحاول أفهم
بحاول أحلم بـ اللي جي
و ساعات أقلب ف اللي فات
مفهمش
أنا كنت ميت و لا حي!
و ساعات كتير
و أنا ماشي ف شوارع الذكريات
أبص ع المكان وأضحك
و ساعات مابصش عشان مابكيش
لكن ببكي
ساعات بحب أحكي
ساعات مبتكلمش
و أبص لصورتك ف محفظتي و أقول
اللي خلقك خلق غيرك
هقطعها
و ساعات لساعات أبص ف عينك وأقول
ده غيرك انتِ ما في زي
و أحس إن أنا قاعد تحت شجرة ف الجنة
و أحس إن أنا ف النار
لكن الأصعب إني أحتار
و أكون ف النص
لا أنا عارف
طب أنا عاقل ولا مجنون
راجع ولا بتقدم
جاني ولا مجني عليه
عايز مين وعايز إيه؟
وليه دايما
برسم لوحتي و تعجبني
فأقوم دالق عليها الحبر!
عرفت كتير و فارقوني
لكن عمري ما أفارق حد
و أهزر كتير جدا
و مهزرش وقت الجد
ساعات أنام ثواني ف شهر
و ساعات أنام بالشهر
و العب مع نفسي كر و فر
و تكسبني و مكسبهاش!
و أرمي نفسي علي سريري
و نداهة ف تفكيري بتندهني
لكن مبندهاش!
فأنام و لو صحيت حي
بحاول ف حدود المتاح
و بحاول أفهم
و بحاول أحلم بـ اللي جي!”
― عبد الحميد عبد اللطيف, العد التنازلي للأيام

“الفرشة صباعك واللوحة إزاز
ارسم قلب وسهم واكتب حرف
اسند راسك واسرح وأما تخلص
شخبط ع الإزاز بالكف”
― عبد الحميد عبد اللطيف, العد التنازلي للأيام

“كفاية تجرجر الماضي
وتكرر اللي انقضي
وكلامك المليان
ليه تقوله للفاضي؟
!وانت عارف رد الصدي”
― عبد الحميد عبد اللطيف, العد التنازلي للأيام

“إزاي تدخل ف الجديد
وانت لسه بقلبك ف القديم
إزاي وانت مليون حتة
تعمل سليم
محشور ف دايرة
طب وإزاي ف الدايرة
تمشي مستقيم؟”
― عبد الحميد عبد اللطيف, العد التنازلي للأيام

“الشوشرة ساعة الصفاء
عمرها ما تصيبك
لو انت ف حالة رضا وإكتفاء
والدوشة اللي عمالة
ف راسك شغالة بتزعجك
وبتسمعها وسايب
النغمة اللي بتعجبك
ده ف حد ذاته غباء!”
― عبد الحميد عبد اللطيف, العد التنازلي للأيام

“الغراب ع الراس وقف
شوش ع الصراط للهدف
خلاني ادخل ف المتاهة
ونخلص متاهة نبدأ متاهة
وكل ما نقول خلاص
نتوه تاني للأسف”
― عبد الحميد عبد اللطيف, العد التنازلي للأيام

“افرض نفسك ع الدنيا
لو حسيت إنها فرض
و ماتسيبش ظنون عقلك
تخليك تاخد ظنون من فرد”
― عبد الحميد عبد اللطيف, العد التنازلي للأيام

“لو شخص اتولد أعمى
بيحاول يتخيل دنيا عمره ما شافها
شكل تخيلاته إيه؟
لو عشت طول عمرك ف كهف
فاكر إن دي الدنيا
لو طلعت هيحصل إيه؟
في زوايا جديدة دايما للصورة
وألوان مختلفة لعدسات النضارة
في حاجات ف العمق ومغمورة
يبقى تحدد نفسك ليه؟”
― عبد الحميد عبد اللطيف, العد التنازلي للأيام

“المكان؟
زنزانة ضيقة جوا مني
وأنا المسجون وأنا السجان
وأنا القاضي
التهمة؟
الماضي
الزمان؟
فات كتير
مابقتش فاكر إمتى جيت
الحالة؟
النور بيأذي
لوحدك؟
انفرادي”
― عبد الحميد عبد اللطيف, العد التنازلي للأيام

“كل ما حد بيسألك على حاجة
تقول مش عارف
عامل إيه؟
مش عارف
بتعمل إيه؟
مش عارف
هتعمل إيه؟
مش عارف
مش عارف إيه؟
مش عارف
وتزق ف يومك
ويزقك يومك
وبتهزم نومك بالفكر
والفكر ف إيه؟
مش عارف”
― عبد الحميد عبد اللطيف, العد التنازلي للأيام

“المكان ؟
زنزانة ضيقة جوا منى
و أنا المسجون و أنا السجان
و أنا القاضى
التهمة ؟
الماضى
الزمان ؟
فات كثير
مابقتش فاكر امتى جيت
لوحدك ؟
انفرادى
بتنام ؟
ازاى أنام جوا الكابوس
بتضحك ؟
ساعات
بتعمل ايه ؟
مستنى بسمع السكوت
ميعاد خروجك ؟
ياريت يكون قبل اما اموت”
― عبد الحميد عبد اللطيف, العد التنازلي للأيام

“نسكت أحسن
نمشى أحسن
ايه الفايدة من كلامنا
و من حضورنا
مع حد بيشوف من خلالنا
و يرد على قد الكلام
فنسكت أحسن
و نبعد أكثر
و كل ما المسافة تكبر
من بعيد هيبان صغير
و يمكن أنسى
و ملامحه تدبل”
― عبد الحميد عبد اللطيف, العد التنازلي للأيام

“عقل ملغي
والعين التالتة فيها تراب
وفراغ الروح بقى ثقب أسود
بس مابيسحبش نور
القلب احتلته هي
والربط شغال غصب عني
بين حاجات ما بتدي منطق
بحاجات مش منطقية
الوحدة زادت
والقفل صدى
والحقيقة دفنتها
وعملت حقيقة ليا
الجنون عمال بيضحك
عمال يبرَّق
والدنيا تلج جوا مني
لكني بعَرَق
الفكرة سودا
كام شعرا بيضا؟
والإحساس غير متبادل
طب لما تضحك
ليه بصدق؟
والصراط المستقيم
بدعي ربي ف كل فاتحة
والراية فاتحة
لكني بغرق”
― عبد الحميد عبد اللطيف, العد التنازلي للأيام