“انت مين .. انت ليه .. انت فين ؟
، موش مهم كتير تجاوب ..
ناس كتير تايهين في دوكه و انت منهم
ليه تكون انت الوحيد اللي تسأل ..
أو تحاول يوم تجاوب ؟!!
..
امشي .. عدي
روح و دوب جوه الزحام ،
بكره راح تنسى السؤال
، دا السؤال مليان برهبة
و انت بتخاف م المواجهة !
..
اجري اهرب م الحقيقة
اللي ما انتاش قدها !
..
سلي نفسك
عدي وقتك بالحاجات
قول دا حلم .. قول دا وقتي !
شويه و اصحى و افوق قوام
...
انت مين و فين و ليه ؟!
موش مهم كتير تجاوب ،
مادمت خايف م المواجهة
.. ما دمت م الآخر جبان”