“გაგება უნდა მოხდეს, ხოლო რომ მოხდეს, უნდა გაგაჩნდეს სათანადო კაპიტალი, ე.ი. შინაგანი დაჩრდილვისა და ბნელში წამების გამოცდილება <...> ხომ შეიძლება ღმერთი დაიღალოს აბსოლუტურად ბნელი ადამიანის გაშუქებით? აი, მაშინ კი, მაპატიეთ ეს გამოთქმა, ყოფა გეტირებათო. მართლაც, ასე მოხდა: ღმერთი თითქოს დაიღალა ბნელის გაშუქებით. როგორც მე გითხარით, არ შუქდება ის, რაშიც თავის დაჩრდილვა არ მოხდა. უნდა დაჩრდილდე რაღაცის მიმართ და მაშინ ის შეიძლება აზრის საგანი ან აზრიანი შეკითხვის საგანი გახდეს. სხვა შეკითხვები შეიძლება მხოლოდ შეკითხვების იმიტაცია, ტვინის ჭყლეტა იყოს.”