“مش يبقى حرام .. ؟ !!
لما الناس تشوفنا بنبكى
فتسألنا
و نقول .. تمام
مفيش حاجه وجعانا
ولا قتلانا .. و لا دبحانا
و الله ظلم لما يصدقونا
لما يصدقونا
و ف الاخر لما نموت يسألو
طب ايه سبب "الوفاه" ما تفهمونا
ما تفهمومنا انتو ليه صدقتونا
لما لقيتو دموعنا بحور ع خدونا
و من عيونا تسيل
و لا تمسحها المناديل
انا اقولكو ده اسمه ايه
انتو اشتريتو دماغكو مننا
و معرفتوش تقرأونا
مقدرتوش تفهمونا
و بكده قتلتونا
و بشويه تراب
دفنتونا”