“متتالية الوجع إنك

كل أما تعوز شيء مايجيش

بتحرق حرق صريح

لسنينك

وبتتعايش مش بتعيش

قلبك الجريح

ادى إلى الفكر الجريح

والفكر لما بيتجرح

تتغير الأشياء

عقلك اللي كان

مليان

بطبع الحياء

منك

بقى ف كل لحظة معاك

بيردد الفكرة كإنه بيسبح

كنت انت فاكر إنها

تستجب إراديا

برغبة النسيان

وقلة التفكير

قلة التفكير بتزيده لا شعوريا

درء الخطر بزيادة بيجلبه

الخوف يجَريّ

والخوف أوي يوقعك

ولا يودي مكان

ويبعدك عنها

كذلك الحب

يدوقك

طعم الجِنَانٍ

أو يحرقك

والحب أوي يدوقك طعم الجَنَان

ويموتك

فيها أو منها

عشان كده من الحاصل

من الزمان وتجاربك السابقة

وسلاسل جراحك المتتالية

بقيت تتسأِلْ تقول

عادي

إيه يعني

يعني أول مرة تحصل

خلاص مبقتش فارقة

خايف!

لكن عايز تحب؟

قلة الإيمان بالحب بعد اللي كان

والرغبة فيه

ممزوجة

برغبة النسيان

ممزوجة

برغبة معرفة

إن اللي كان

كان له هدف

ومكنش عشوائي

من أول قصة حب

تقريباً

إبتدائي!

قلبك اتحدف بالجمر!

مع إنه مش إبليس

وبهندسة الحياة والجبر

لقيت كل الحاجات جواك

بتنقدك

وتناقضك

ولإن

المتناقضات أصل الوجع

دخلت

loop

الحياة بتلف مش لاقي!

بتناور نفسك

وتناورك

(مش قادر تشاور (صَرَاحَةٍ

فين معدولها والمقلوب

ومع إنك مش ع المسرح

حدّفتك الحياة بالطوب

وبقيت ف حالة من البرود

ع القشرة

والقلب لساه محشو بالدفا

وبتهمة الحياة

والحب بزيادة

والرغبة بزيادة

وإزاي عدى الحدود؟

لساه ف ركن الحبس

بنات بتقدم قلبها

عايز تمد إيديك

لكن إيديك ف الجِبس

بتفكرك بالماضي

تزهد

والكدب واضح

راضي؟!

وبصراحة

مانتش راضي بالموجود!

ولذلك

كتر هروبك من الألم

عظّم شعورك بالندم

وبقيت بتعيش انت

ومحاولاتك المتتالية

لمنع فرفتة الذكريات

لكنك بتتمًّع!

يصفى عقلك تفكتر

اللي فات

تقول يارب

هتهولي

منزوع منه الوجَع!”