Shaimaa > Shaimaa's Quotes

“لما شفتك جوه منى
قلبي حس الارتباك
أصله كان خواف بطبعه
وأنت طبعا مش ملاك
هو دا جرح الحكاية
وارتعاشاتي فى غنايا
وأنتي من بين الصبايا
عامله جوا يا اشتباك”
― ميسرة صلاح الدين, أنا قلبي مش فارس

“تتصور..... أنامتصورتش من مدة
علشان النظرة اللى في صورتى مبتريحنيش
تتصور.... أنامتكلمتش من مدة
علشان النبرة اللى في صوتى مبتطمنيش
وأنا زى مفيش رافض نفسه
متحامل جداً على نفسه
بيخاف ليجيله اللى في نفسه وبيخاف ميجيش”
― ميسرة صلاح الدين, شباك خجل

“مكنتش فيكى المشكلة
ولا فى الظروف الصعبة
ولا طيش الشباب
المشكلة فيه أنا
أنا والنهايات السعيدة مش صحاب”
― ميسرة صلاح الدين, شباك خجل

“كل البيوت صبحت إزاز
حتى الحيطان المايلة
زادت ع الطريق
واتبدلت كل الوشوش
بقناع برىء
مفضلش غيرها
شريطة سودة مكلفته
صورة ضماير ميتة
فى برواز”
― ميسرة صلاح الدين, أنا قلبي مش فارس

“صباحك يا بلدي

صباحك شريف

يا وردة وحيدة

فى فصل الخريف

يا ست المداين

يا ورد الجناين

يا فجرى اللي باين

وظهر الضعيف

صباحك يا بلدي

صباحك شريف

هرست المدمس

فى حضن الرغيف

ومادد إيديا

بقســم فطارى

ما بيني وبينك

واكحل في عينك

ولما تمسى بسيبك وأمسى

وأسبلك سريري

وأبات ع الرصيف . .”
― ميسرة صلاح الدين, أنا قلبي مش فارس

“من صغرى بحب العسلية

واكمن عيونك عسلية

أنا حبيتك

على باب بيتك

واقف ومسمر رجليه

ونن عنيه

قصقص جناحاتة

فى شباكك

عصفور

و أتمحك فشباكك

مش عايز

حد يطلعني

إنما لو قلبك

يوم باعني

أنا حكبر

على كل مشاعري

وحبطل أكل العسلية .”
― ميسرة صلاح الدين, أنا قلبي مش فارس

“وقرصة حزن ليل البرد
مقابلها بدفى ذكرى
كانت بتحلم بالامان
وتصدقه
فتمد احلامها على قد الغطا
تكفينى شر الحرج والذل والكافيه
مقفول يا باب الفرج مين يفتحك عافيه”
― ميسرة صلاح الدين, أنا قلبي مش فارس

“من غير ما ابعت رسايل
قاعد..
مستنى...
رد”
― ميسرة صلاح الدين, أرقام سرية

“خروج الكلمة من قلبي على لسانك
ربيع أول
خروج الكلمة من قلبك على لساني
ربيع تانى
خروج الكلمة ع العالم
شموع بتحنى ضفايرها
مظاهر صعب تأويلها
خطوط بيضة وخطوط سودة
مكاحل عشق مفقودة
وبين الخرجة والعودة
مساحة كبيرة للتفكير”
― ميسرة صلاح الدين, شباك خجل

“بعد ما صرَّخ اوى م الخوف
خاف ليكون الناس شايفينه
غمى مشاعره
وكرمش عينه
مثِّل أنه ما بيصَّرخش
لكن الدنيا
عشان بتخوِّف
كل الناس ..حبُّوا التمثيل”
― ميسرة صلاح الدين, أرقام سرية

“احتمالات التفرد فى القصيدة
تبتدى
لحظة خروجك وردة
من بين السطور”
― ميسرة صلاح الدين, أرقام سرية

“دخان سجاير لفها الشياطين
والقلب طعم لمخلوقات الليل
دلوقتى بس عنيه جت فى عنيه
يا شعر عايز منى ايه تانى”
― ميسرة صلاح الدين, أرقام سرية

“If you don't have time to read, you don't have the time (or the tools) to write. Simple as that.”
― Stephen King

“If you tell the truth, you don't have to remember anything.”
― Mark Twain