شباك خجل Quotes

“مكنتش فيكى المشكلة
ولا فى الظروف الصعبة
ولا طيش الشباب
المشكلة فيه أنا
أنا والنهايات السعيدة مش صحاب”
― ميسرة صلاح الدين, شباك خجل

“تتصور..... أنامتصورتش من مدة
علشان النظرة اللى في صورتى مبتريحنيش
تتصور.... أنامتكلمتش من مدة
علشان النبرة اللى في صوتى مبتطمنيش
وأنا زى مفيش رافض نفسه
متحامل جداً على نفسه
بيخاف ليجيله اللى في نفسه وبيخاف ميجيش”
― ميسرة صلاح الدين, شباك خجل

“الشمس مبتبعتش نور
غير للى ناوى يشوف بجد”
― ميسرة صلاح الدين, شباك خجل

“خروج الكلمة من قلبي على لسانك
ربيع أول
خروج الكلمة من قلبك على لساني
ربيع تانى
خروج الكلمة ع العالم
شموع بتحنى ضفايرها
مظاهر صعب تأويلها
خطوط بيضة وخطوط سودة
مكاحل عشق مفقودة
وبين الخرجة والعودة
مساحة كبيرة للتفكير”
― ميسرة صلاح الدين, شباك خجل

“الحزن مربع ع السفرة
وبيغمس ف الحلم البايت
والهم بيخرج م التلاجة
وأوض النوم وبخار العيش
وأيدين العتمة مغمية على عيون الشيش
وأنا واقف على نفس مكاني
فى أبراج الصمت”
― ميسرة صلاح الدين, شباك خجل

“كل الموانى بشدة ترفض مركبى
كل البحور تطردنى براها بغضب
أول أشارة أبعتها بتطيش في السحاب
أخر أشارة أبعتها مبقلهاش لزوم
ظلمات ورعد وبرق في شراسة الغرق
والموج مغطى الموج وأنا من غير غطا

بستجدى من كل الخرايط حزنها
وأهبد دماغ البوصلة في حيطان الغيوم”
― ميسرة صلاح الدين, شباك خجل

“أنا شابت فعنيه النظرات
مابقتش لا واعر
ولا واعي
لو وجعك نقطة ف أوجاعي
تبقى أنت شهيد
السما بتمطر نار وجليد
واليأس سديم مش متناهي”
― ميسرة صلاح الدين, شباك خجل