Heba > Heba's Quotes

“للأسف

مشكلتك مالهاش حل
جنونك عاقل جداً
بس عقل العاقلين
من حواليك
مختل..”
― خالد كساب

“حاجات كتير
فى حياتى اللى فاتت
راحت
بس لسه
عندى امل فيها
عشان كده
الزرعه الميته
فى بلكونتى
مع انها خلاص
ماتت
يوماتى باسقيها ...”
― خالد كساب

“الصبح في نص الكوكب.. ليل في النص التاني.. الأرض عندها شيزوفرينيا.. محتاجة دكتور نفساني”
― خالد كساب

“قد إيه البني ادم منا
كائن مسكين
في عز ما هو مش طايق روحه
ولا مستحمل نفسه
مطلوب منه يستحمل التانيين”
― خالد كساب

“في لعبة الحياة
لما حاجة تزعلك
أرجوك..
ماتكتئبش
هي اللعبة كده ..
مافيهاش حلول وسط
ياتتلعب
ياماتتلعبش..”
― خالد كساب

“وفقًا لما تنص عليه قوانين حياتي المهرجلة
بأطلع من مشكلة أخش في مشكلة
وحاجات كتير في دماغي متكومّة ومتأجلة
وتفاصيل بالعبيط،
كل ما بأفهمها أكتر.. بتزيد البرجلة!”
― خالد كساب

“الحياة
صلاة
صليها بهدوء..
تروق”
― خالد كساب, أنا راعي بقر وحيد

“في ناس
مابيدفعوش
تمن حاجات كتير
عملوها..
وناس بيدفعوا
تمن حاجات كتير
ماعملوهاش..
هي الحياة كده
مجهدة
مش معمولة عشان تتفهم
معمولة عشان تتعاش ..”
― خالد كساب, أنا راعي بقر وحيد

“يارب ليه
كل امافرحة
تزقني لقدام
حزن جديد
يرجعني لورا
يارب ليه كل مااحس
ان الحياة تمام
ححاجات كتير تحصل
تأكد كلها
ان الحياة
حاجة اخر مسخرة”
― خالد كساب, أنا راعي بقر وحيد

“الواحد محتاج ايه بالظبط
عشان يكون علي طول مبسوط ؟
سؤال طول ماانت
مش عارف اجابته
عايش
ولوعرفت
تموت”
― خالد كساب, أنا راعي بقر وحيد

“الحب
زي رسمة ذبذبات القلب
لو ماشية زجزاج
يبقي القلب سليم
وان فجأة بقت خط مستقيم
ماشي في ثبات
يبقي للاسف
القلب مات”
― خالد كساب, أنا راعي بقر وحيد

“ياللمعجزة
مليون خلية عصبية
كل خلية
في مكانها متمركزة
وجميع الاجهزة
في الجسم
بتضخ طول الوقت دم
من الشرايين للاوردة
وكل ده
عشان تعيش سيادتك
يوم جديد
بعد كل الامكانيات الربانية
ديه
تقدر قولي
ليه ماانتاش سعيد؟!”
― خالد كساب, أنا راعي بقر وحيد

“وجع ساعة
ولاكل ساعة
وياما في الساعات
انواع
...من الوجع
والضرس
لما يسوس
وماينفعلوش علاج
ولا اي مسكنات
حله الوحيد
يتخلع”
― خالد كساب, أنا راعي بقر وحيد

“اذا كان اللي بيتكلم عاقل
يبقي المستمع مهفوف”
― خالد كساب, أنا راعي بقر وحيد

“الأسطوره بتقول إن فى الوقت اللى نشوف فيه جثه من الجثث دول وما نفتكرش الحكايه.. فى الوقت دا بس الدم اللى ما خرجش من الجثث دى وقت ما ماتت حيبدأ يسيل.. حيسيل لدرجة إنه حيخرج من بيبان وشبابيك البيوت زى الشلالات.. وحيملا الشوارع.. حيملاها لدرجة إننا حنستخدم مراكب بدال العربيات»…”
― خالد كساب