أنا راعي بقر وحيد Quotes

“في ناس
مابيدفعوش
تمن حاجات كتير
عملوها..
وناس بيدفعوا
تمن حاجات كتير
ماعملوهاش..
هي الحياة كده
مجهدة
مش معمولة عشان تتفهم
معمولة عشان تتعاش ..”
― خالد كساب, أنا راعي بقر وحيد

“الحياة
صلاة
صليها بهدوء..
تروق”
― خالد كساب, أنا راعي بقر وحيد

“الواحد محتاج ايه بالظبط
عشان يكون علي طول مبسوط ؟
سؤال طول ماانت
مش عارف اجابته
عايش
ولوعرفت
تموت”
― خالد كساب, أنا راعي بقر وحيد

“عيل صغير
لابس مريلة
زرايرها من ورا
شعره متسرح علي جنب
ولسه عنده قلب
ومشكلة حياته
مش عارف يحفظ جدل الضرب
مش فاكر بعد كده
كل اللي حصل
حصل ازاي
او امتي بالظبط
كل اللي فاكره
اني يادوبك
رمشت بعيني
فجأة
بقيت دلوقت”
― خالد كساب, أنا راعي بقر وحيد

“المجد للي أتمرد ع التابوهات..وأتعلم من الحكايات واللي وصلوا قد ما اتعلم من حكايات اللي ضاعوا...المجد لكل حد خلق لنفسة العالم بتاعه”
― خالد كساب, أنا راعي بقر وحيد

“قدامك انسان قلقان دهاليز قلبه للآن لم تكتشف بعد
دلوقت بعد ما حذرتك منى .. نقدر نحب بعض”
― خالد كساب, أنا راعي بقر وحيد

“يارب ليه
كل امافرحة
تزقني لقدام
حزن جديد
يرجعني لورا
يارب ليه كل مااحس
ان الحياة تمام
ححاجات كتير تحصل
تأكد كلها
ان الحياة
حاجة اخر مسخرة”
― خالد كساب, أنا راعي بقر وحيد

“إمبارح كنت حد تاني، والنهاردة أنا حد تالت وبكرة..حابقي حد رابع....وهكذا...وتستمر المعجزة وتستمر أكبر وأضخم سباق للتتابع
...!!!”
― خالد كساب, أنا راعي بقر وحيد

“الحب
زي رسمة ذبذبات القلب
لو ماشية زجزاج
يبقي القلب سليم
وان فجأة بقت خط مستقيم
ماشي في ثبات
يبقي للاسف
القلب مات”
― خالد كساب, أنا راعي بقر وحيد

“حبة طاقة ايجابية
علي معلقتين بن
وشوية حزن
وحتة من القمر
وربع كيلو تجارب
م اللي ليها العجب
ونص رطل كتب
كل دول
اضربهم في الخلاط...
واشرف بألف هنا وشفا
عصير المعرفة
ودوق الهدوء
وعيش وكزكز
واستطعم الانبساط..”
― خالد كساب, أنا راعي بقر وحيد

“انا حر
فردت جسمي
ع السرير
واتمطعت
وسرحت
وفكرت
بعدين احترت
لمااكتشفت
اني فعلا
حر”
― خالد كساب, أنا راعي بقر وحيد

“ياللمعجزة
مليون خلية عصبية
كل خلية
في مكانها متمركزة
وجميع الاجهزة
في الجسم
بتضخ طول الوقت دم
من الشرايين للاوردة
وكل ده
عشان تعيش سيادتك
يوم جديد
بعد كل الامكانيات الربانية
ديه
تقدر قولي
ليه ماانتاش سعيد؟!”
― خالد كساب, أنا راعي بقر وحيد

“انا الذى بعت روحى للتوتر والقل والتمن ....
حبه ورق”
― خالد كساب, أنا راعي بقر وحيد

“بين كل شمس و قمر
كل البشر
معرضين لنفس الخطر
لهذا .. عيشوا
والموت
سيبوه للقدر”
― خالد كساب, أنا راعي بقر وحيد

“للأسف
مشكلتك مالهاش حل
جنونك عاقل جدا
بس عقل العاقلين
من حواليك
مختل ..”
― خالد كساب, أنا راعي بقر وحيد

“وجع ساعة
ولاكل ساعة
وياما في الساعات
انواع
...من الوجع
والضرس
لما يسوس
وماينفعلوش علاج
ولا اي مسكنات
حله الوحيد
يتخلع”
― خالد كساب, أنا راعي بقر وحيد

“البنت
لغز
اللي يحلُّه..
يستاهله...”
― خالد كساب, أنا راعي بقر وحيد

“وهتعمل ايه يا عبيط"
يعني لو فهمت؟”
― خالد كساب, أنا راعي بقر وحيد

“اذا كان اللي بيتكلم عاقل
يبقي المستمع مهفوف”
― خالد كساب, أنا راعي بقر وحيد

“قد ايه
البني آدم منّا
كائن مسكين
في عز ما هو
مش طايق روحه
ولا مستحمل نفسه
مطلوب منه
يستحمل التانيين..”
― خالد كساب, أنا راعي بقر وحيد

“كل اللي ناقصك
عشان تضحك
بجد
من قلبك ...
وسط الهموم الكتير
اللي بتبكّي
يطلعلك
هم واحد
يضحّك”
― خالد كساب, أنا راعي بقر وحيد

“لكل حاجة
في الحياة ..
إسطمبة
وقالب
وسقف
وباب
وشيش..
إكسرهم..
وعيش...”
― خالد كساب, أنا راعي بقر وحيد

“الصبح
في نص الكوكب
ليل
في النص التاني
الأرض عندها
شيزوفرينيا
محتاجة
طبيب نفساني”
― خالد كساب, أنا راعي بقر وحيد

“انا خلاص
ماعدتش طايقَك
اطلع من حياتي بقى
انا اتخنقت منك
إتخنقت"..
خلصت كلامي
واتنهدت تنهيدة جامدة ..
وكسرت المراية..
ونمت”
― خالد كساب, أنا راعي بقر وحيد

“أيامك.. تشبه بعضيها
نهاراتها داخلة فـ لياليها
الكون من حواليك متسربع
وانت ياولداه
فـِ مكانك
وسؤال واحد.. شاغل بالك
"عاجبك حالك"؟!”
― خالد كساب, أنا راعي بقر وحيد

“والمهزلة
إن خسارتك ساعات
معناها انك كسبت”
― خالد كساب, أنا راعي بقر وحيد