Shima > Shima's Quotes

“الصبح في نص الكوكب.. ليل في النص التاني.. الأرض عندها شيزوفرينيا.. محتاجة دكتور نفساني”
― خالد كساب

“حاجات كتير
فى حياتى اللى فاتت
راحت
بس لسه
عندى امل فيها
عشان كده
الزرعه الميته
فى بلكونتى
مع انها خلاص
ماتت
يوماتى باسقيها ...”
― خالد كساب

“للأسف

مشكلتك مالهاش حل
جنونك عاقل جداً
بس عقل العاقلين
من حواليك
مختل..”
― خالد كساب

“قد إيه البني ادم منا
كائن مسكين
في عز ما هو مش طايق روحه
ولا مستحمل نفسه
مطلوب منه يستحمل التانيين”
― خالد كساب

“في لعبة الحياة
لما حاجة تزعلك
أرجوك..
ماتكتئبش
هي اللعبة كده ..
مافيهاش حلول وسط
ياتتلعب
ياماتتلعبش..”
― خالد كساب

“وفقًا لما تنص عليه قوانين حياتي المهرجلة
بأطلع من مشكلة أخش في مشكلة
وحاجات كتير في دماغي متكومّة ومتأجلة
وتفاصيل بالعبيط،
كل ما بأفهمها أكتر.. بتزيد البرجلة!”
― خالد كساب

“الصبر مفتاح الفرج
ماشي
اوكيه
الصبر بقى مفتاحه ايه؟”
― خالد كساب, ضربة شمس

“قدامك انسان قلقان دهاليز قلبه للآن لم تكتشف بعد
دلوقت بعد ما حذرتك منى .. نقدر نحب بعض”
― خالد كساب, أنا راعي بقر وحيد

“الحياة
صلاة
صليها بهدوء..
تروق”
― خالد كساب, أنا راعي بقر وحيد

“عيل صغير
لابس مريلة
زرايرها من ورا
شعره متسرح علي جنب
ولسه عنده قلب
ومشكلة حياته
مش عارف يحفظ جدل الضرب
مش فاكر بعد كده
كل اللي حصل
حصل ازاي
او امتي بالظبط
كل اللي فاكره
اني يادوبك
رمشت بعيني
فجأة
بقيت دلوقت”
― خالد كساب, أنا راعي بقر وحيد

“لأننا قربنا جدا كان لازم نفترق ..لأننا نورنا جدا كان لازم نحترق”
― خالد كساب

“انا الذى بعت روحى للتوتر والقل والتمن ....
حبه ورق”
― خالد كساب, أنا راعي بقر وحيد

“الواحد محتاج ايه بالظبط
عشان يكون علي طول مبسوط ؟
سؤال طول ماانت
مش عارف اجابته
عايش
ولوعرفت
تموت”
― خالد كساب, أنا راعي بقر وحيد

“يارب ليه
كل امافرحة
تزقني لقدام
حزن جديد
يرجعني لورا
يارب ليه كل مااحس
ان الحياة تمام
ححاجات كتير تحصل
تأكد كلها
ان الحياة
حاجة اخر مسخرة”
― خالد كساب, أنا راعي بقر وحيد

“بين كل شمس و قمر
كل البشر
معرضين لنفس الخطر
لهذا .. عيشوا
والموت
سيبوه للقدر”
― خالد كساب, أنا راعي بقر وحيد

“المجد للي أتمرد ع التابوهات..وأتعلم من الحكايات واللي وصلوا قد ما اتعلم من حكايات اللي ضاعوا...المجد لكل حد خلق لنفسة العالم بتاعه”
― خالد كساب, أنا راعي بقر وحيد

“في ناس
مابيدفعوش
تمن حاجات كتير
عملوها..
وناس بيدفعوا
تمن حاجات كتير
ماعملوهاش..
هي الحياة كده
مجهدة
مش معمولة عشان تتفهم
معمولة عشان تتعاش ..”
― خالد كساب, أنا راعي بقر وحيد

“ياللمعجزة
مليون خلية عصبية
كل خلية
في مكانها متمركزة
وجميع الاجهزة
في الجسم
بتضخ طول الوقت دم
من الشرايين للاوردة
وكل ده
عشان تعيش سيادتك
يوم جديد
بعد كل الامكانيات الربانية
ديه
تقدر قولي
ليه ماانتاش سعيد؟!”
― خالد كساب, أنا راعي بقر وحيد

“انا حر
فردت جسمي
ع السرير
واتمطعت
وسرحت
وفكرت
بعدين احترت
لمااكتشفت
اني فعلا
حر”
― خالد كساب, أنا راعي بقر وحيد

“عشقت بنت
جمالها بالضبط
زي الكتاب ما بيقول
ومؤخرا
وأنا بلفظ أنفاسي الأخيرة
عرفت
إن ما حدش قبلي عشقها
إلا ومات مقتول”
― خالد كساب

“إمبارح كنت حد تاني، والنهاردة أنا حد تالت وبكرة..حابقي حد رابع....وهكذا...وتستمر المعجزة وتستمر أكبر وأضخم سباق للتتابع
...!!!”
― خالد كساب, أنا راعي بقر وحيد

“حبة طاقة ايجابية
علي معلقتين بن
وشوية حزن
وحتة من القمر
وربع كيلو تجارب
م اللي ليها العجب
ونص رطل كتب
كل دول
اضربهم في الخلاط...
واشرف بألف هنا وشفا
عصير المعرفة
ودوق الهدوء
وعيش وكزكز
واستطعم الانبساط..”
― خالد كساب, أنا راعي بقر وحيد

“الحب
زي رسمة ذبذبات القلب
لو ماشية زجزاج
يبقي القلب سليم
وان فجأة بقت خط مستقيم
ماشي في ثبات
يبقي للاسف
القلب مات”
― خالد كساب, أنا راعي بقر وحيد

“إذا إعتبرنا المخ بمثابة «حَلّة».. وإذا اعتبرنا الذكريات والتجارب بمثابة «الطبيخ» اللى فى الحلة.. عندها تصبح الحروف بمثابة «الصلصة» المهمة لجعل الطبخة متسبكة.. لم يعد ناقصا الآن سوى إضافة مكعب مرقة دماغك إلى تلك الطبخة.. ذلك المكعب الذى يحتوى على بصمات جيناتك الكتابيه وأسلوبك الخاص الذى يميزك عن الآخرين.. قليل من التقليب المستمر تصبح بعده الطبخه جاهزه لمرحلتها الأخيره.. مرحلة «التحابيش».. فالطبخه لا يزال ينقصها مشوار صغير إلى عطارة الروح.. تنقصها تلك التحبيشه المسؤوله عن الطعم النهائى خالص للطبخه.. القليل من بهارات المشاعر وملح الأحاسيس وفلفل الحكمه وزعتر التجربه.. الآن لم يعد متبقيا سوى شىء واحد هو القادر على جعل طبخة كلماتك الخاصه مختلفه عن طبيخ كلمات الآخرين.. ألا وهو «النَفَس».. الضمانه الوحيده لطبخة كلمات لا تشبه طبيخ أحد آخر!”
― خالد كساب

“الأسطوره بتقول إن فى الوقت اللى نشوف فيه جثه من الجثث دول وما نفتكرش الحكايه.. فى الوقت دا بس الدم اللى ما خرجش من الجثث دى وقت ما ماتت حيبدأ يسيل.. حيسيل لدرجة إنه حيخرج من بيبان وشبابيك البيوت زى الشلالات.. وحيملا الشوارع.. حيملاها لدرجة إننا حنستخدم مراكب بدال العربيات»…”
― خالد كساب

“اذا كان اللي بيتكلم عاقل
يبقي المستمع مهفوف”
― خالد كساب, أنا راعي بقر وحيد

“وجع ساعة
ولاكل ساعة
وياما في الساعات
انواع
...من الوجع
والضرس
لما يسوس
وماينفعلوش علاج
ولا اي مسكنات
حله الوحيد
يتخلع”
― خالد كساب, أنا راعي بقر وحيد

“أنا الذي كل شوية تتدألج الأيام بيا..أقوم وأقع وأقوم تاني..وحكاية تحدفني لتانية..أنا الذي في قلبه الحكايات أصحاب كتير، وحاجات وبنات...قصص كتير..عشق علي فراق بارقص يوماتي مع الدنيا..”
― خالد كساب