Mony > Mony's Quotes

“معرفش ليه العيون
دايما تحب الدموع
وتهاب من الافراح
والقلب ليه يغوى الوجع
ويحن دايما للأنين,
سواح
وليه الرضا طريق صعيب
وليه بالدموع ارتاح!”
― مصطفى حجازى, فصول مش في السنة - فصول عامية

“إعزف على جرحي,
نغم صامت
تلهب دموعي وجنتي
لون الورود باهت
تاهت معالم سكّتي
إهديني وبنغمك
خليني ألمس فرحتي
لو حتى في الاحلام
-نغمي عليل زيك
محتاج انا واكتر
لكن ياصاحبي شكلها
في الفرح تستكتر”
― مصطفى حجازى, فصول مش في السنة - فصول عامية

“الحقيقة,
إنك تقول للحق كلمة
مش تخبّي,
جزء رافض للسكات”
― مصطفى حجازى, فصول مش في السنة - فصول عامية

“يا فرح ليه الجفا,
رغم ان انا صابر
الصبر مني انتفا
ولسه انا بعافر

ياحزن ليه القرب,
وانا منّي متحاصر
ملاّن انا بالغلب
و العرض مِتواصِل”
― مصطفى حجازى, فصول مش في السنة - فصول عامية

“يارب هات حكمتك
بيها يكونلي دليل
يارب دي حكمتك
مش للقلوب المظلمة
دي بس للعشاق
أصحاب قلوب ملهمة
تلهمني أفكارك
والحكمة بنهارك
والليل ورا منه
إلهي سبحانك
عارف وشايف
اللي عايش ف القلوب”
― مصطفى حجازى, فصول مش في السنة - فصول عامية

“ياللى عشان أنا
بكره المسافات
واللي عشانك أنا
ابدّل الاحلام,
وتكوني أمنيَات
فيكي الخلود والدوم
والدهر ده إنتي
زغلول حمام بيحوم
وانتي شِباك غيّة
وعيوني بتلاغي
ياام العيون غيّة”
― مصطفى حجازى, فصول مش في السنة - فصول عامية

“ف عيونها نور انطفى
من الشقا والجفا,
والحمل التقيل
وصوتهاإكتفى
بكل انواع العويل
وكإنها مولودة,
من سنين كتير وعدت
كـَ راجل عجوز
ياما انتصرت,
وياما كمان اتهدت”
― مصطفى حجازى, فصول مش في السنة - فصول عامية

“يا صاحب
يوم ما يتصاحب حلمنا
ويا الزمن الغميق
يا صاحب تتصاحب وياك الاهة
ولِبتسامة
يا عوجة الضلع اللي اتمزق
لما الوجع بالعمر امتزج”
― مصطفى حجازى, فصول مش في السنة - فصول عامية

“مش لاقي ليه مَرسى
والصاري بالمقلوب
شايفاني بالمعكوس,
يادنيا بتعاند؟
ولّا انا المغلوب,
...عايش في دور غالب؟؟”
― مصطفى حجازى, فصول مش في السنة - فصول عامية

“جوا مني نجمه دهبي وفص ماس
جوا جوا القلب عايش روح ترفرف
و ف عيوني شمس فضة مانولتهاش
فوق طموحي قطر عدي وفات وداس
جوا مني شخبطة بقلم رصاص
امنيات تصرخ وتعوي ف الوجود
جوا مني....عقل يتمني الخلاص
جوا مني أرض واسعة وكون براح”
― مصطفى حجازى, فصول مش في السنة - فصول عامية

“ياعيوني
إذرفي الدمع السعيد
برجوع حبيب
ياجفوني
غمضي يمكن يكون,
للحلم تاني تكملة
يا خلايا العقل
جاوبي قوام,
مهما كانت لّسئِلة”
― مصطفى حجازى, فصول مش في السنة - فصول عامية

“الحيلة مش في الرفض
والقوة مش في الرفص
الحيلة...في امتثالك
للطبيعة اللي ف خيالك
والقوة...في امتنانك
للخيال اللي ف طبيعتك
والحيرة ..دي اختيارك
بين خيالك الطبيعي,
واحتمالية ذكائك”
― مصطفى حجازى, فصول مش في السنة - فصول عامية

“إتعلّمت,
إن الحياة
على قد مايكون الوجع,
بيكون حنين!
عارفين حقيقة ,كل واحد فينا مين
خِصلته,
فارق معانا ولا لأ
عاشق صحيح,
ولّا جبان....
بيخاف على روحه أوي,
م المواجع كلها”
― مصطفى حجازى, فصول مش في السنة - فصول عامية

“Perhaps it's impossible to wear an identity without becoming what you pretend to be.”
― Orson Scott Card, Ender's Game