Mony

“إعزف على جرحي,
نغم صامت
تلهب دموعي وجنتي
لون الورود باهت
تاهت معالم سكّتي
إهديني وبنغمك
خليني ألمس فرحتي
لو حتى في الاحلام
-نغمي عليل زيك
محتاج انا واكتر
لكن ياصاحبي شكلها
في الفرح تستكتر”
― مصطفى حجازى, فصول مش في السنة - فصول عامية

“مش لاقي ليه مَرسى
والصاري بالمقلوب
شايفاني بالمعكوس,
يادنيا بتعاند؟
ولّا انا المغلوب,
...عايش في دور غالب؟؟”
― مصطفى حجازى, فصول مش في السنة - فصول عامية

“الحيلة مش في الرفض
والقوة مش في الرفص
الحيلة...في امتثالك
للطبيعة اللي ف خيالك
والقوة...في امتنانك
للخيال اللي ف طبيعتك
والحيرة ..دي اختيارك
بين خيالك الطبيعي,
واحتمالية ذكائك”
― مصطفى حجازى, فصول مش في السنة - فصول عامية

“ياعيوني
إذرفي الدمع السعيد
برجوع حبيب
ياجفوني
غمضي يمكن يكون,
للحلم تاني تكملة
يا خلايا العقل
جاوبي قوام,
مهما كانت لّسئِلة”
― مصطفى حجازى, فصول مش في السنة - فصول عامية