Eyad > Eyad's Quotes

“كيف تكون الأحلام مبصرة والواقع أعمي؟!”
― عزالدين شكري فشير, غرفة العناية المركزة

“ماتت غناوي فرحة البنّية
لا المسلمين صلوا علي قبرها
ولا النصاري صلصلوا بالجرس
ولا حوطت جسمها المنهوك
بنادق الحرس
يا ويل بلد بيضيّع المقتولين
يا ويلكم .. وبصوا
دمي فوق كفكم
ح يزفكم بالدم .. متجرسين !”
― سيد حجاب, مختارات من شعر سيد حجاب

“يا أصحابي عجّزنا كده ..
قبل المعاد !
يا أصحابي ما تبكوش علي كتوفي
بقول
أنا عمري ماكنتش جمل صلب
اسمعوا
أنا مكنتش يوم شيال الحمول
اتعتعوا
ووسعوا لي ف صدركم
حتة عليها انحني
وأقول كلام بيهزني
بيغلي جوايا ونفسي أطلعه
يا أصحابي .. لا .. متوسعوش
ليا أنا
داحنا يادوبك كل واحد مننا
بيقول كلامه
وهو برضو يسمعه
يا أصحابي آه .. حتي الجمل
بما حمل
ميّل .. ونخّ”
― سيد حجاب, مختارات من شعر سيد حجاب

“يا اصحابي .. ولا تستغربوا
دانا كلي شوق
شوقي سؤال
سؤالي إيد
بتدق باب
وكام أيادي تدق باب .. بلا جواب !”
― سيد حجاب, مختارات من شعر سيد حجاب

“خليك هنا وحاسب
جبال المغماطيس
خليك شديد
مهما يكون الليل غطيس”
― سيد حجاب, مختارات من شعر سيد حجاب

“في بحيرتنا المليانة بحيرتنا
بتنوح الريح .. يادي الصرخة
كنا كتمناها في صدورنا
لما انقطمت تحت حمول الهم ضهورنا”
― سيد حجاب, مختارات من شعر سيد حجاب