Sarah Mohammed > Sarah's Quotes

“مش مهم انك تغير الكون... المهم انك تخلي الكون ما يغيركش”
― عمر طاهر

“وازاى هاضحك من قلبى وأنا قلبى واخدها بجد؟”
― عمر طاهر, قهوة وشيكولاتة

“ٌٌان طرت اطير ف العالي
و ان بعت ابيع بالغالي
وان خنت اقول انا خنت
وماقولش ياريت لو كنت
ولا اسيب حاجه تفرحني
ولا اسيب حاجه تبكيني
واخلي اللي بيجرحني
اكتر حاجه تقويني”
― عمر طاهر

“مش خايف من حد و لكن
خايف
من نفسى أمثالها”
― عمر طاهر

“مش عارف
أكيد في حاجة ناقصة
أو حاجات كتير زايدة
بتضغط علي فتحات التهوية القليلة في جسمي
يمكن إحساسي إن الشتا بيتولد يتيم
وبيموت بسرعه..
وبيرجحني بدون إستئذان
خلاني دايما..متطمنش
مشكلة
دايما بالحق نفسي علي آخر سلالم الإنتحار
وتفضل مشكلتي الحقيقية
في رجوعي للأرض بسلام
لا عمري انتحرت
ولا عارف أعيش”
― عمر طاهر

“الضمير
هو الصوت اللي بيقولك
... خد بالك لحسن يكون فيه حد شايفك”
― عمر طاهر

“مقدرش أداري خوفي الحقيقي
من سجن مدخلتوش
وباب مفتحتوش
وحاجات ملمستهاش
لكن أكيد..حاسسها”
― عمر طاهر

“معرفش مين هزني
وعلمني مفرحش بهدوء؟”
― عمر طاهر

“واياك تخون الا اذا
كان امتحانك اللي جاي ف الخيانة”
― عمر طاهر, قهوة وشيكولاتة

“فجأة..بيبقي الكون أسئلة
وبدون ورقة إجابة
بتحاول تغش من اللي راحوا..سر السعادة”
― عمر طاهر

“ولقيتك أطول لما
نمت فى حضنك بالطول ”
― عمر طاهر

“انا كل ما أقول التوبه
مالقاش راجل يمنعنى”
― عمر طاهر

“بامد ايدي اطلعك
بس الغرور بيمنعك
دلوقت صعب انفعك
سبق الفراق روح الفريق”
― عمر طاهر, قهوة وشيكولاتة

“المحظوظ مجرد شخص عارف هو عايز إيه.!!”
― عمر طاهر

“فضلت طول القاعده مركزة ف سقف المكان
وكل ما عنيها تيجي ف عيني كنت بصغر سنه
وعلى كده
طول الساعتين اللي قعدناهم
لحد ماخرجنا م المكان
عيل ساحب ف ايده مدرسة المزيكا العاميه ”
― عمر طاهر, قهوة وشيكولاتة

“البنت اللي عينيها دبلانة
بتفرح بهدوء
وبتحزن بشياكة
وبتبقى قاصدة كل بصة
وبتبقى صادقة
وبتسيبك تغيب براحتك
وبتستقبلك لو رجعت ف أي لحظة
بعيونها الدبلانين”
― عمر طاهر, عرفوه بالحزن

“أنـا من أحدث أجيال المسلمين
الذين لم يحظوا بشرف رؤيتك
وآمنوا بك عن بعد

...نحن الذين لم نذق حلاوة الدخول في الإسلام
علي يديك سرا أو جهرا

ولم نصل خلفك
ولم نشاركك طعاما
أو غزوة
أو مجلس علم

وإن كنا شاركناك علي البعد
في العذاب الذي مازلنا
نلقاه علي يد الكفار

بالمناسبة
معظمنا لا يقوي علي حمل سيف
ليضرب به أعناق المنافقين أو الكافرين

نحن نحمل السيوف فقط لنرقص
بها في الأفراح الشعبية

لم نر بأعيننا الشيطان
وهو يهرب من طريق سيدنا عمر بن الخطاب
لكننا رأيناه - بعد أن هرب- يستقر
بيننا متيقظا 24 ساعة”
― عمر طاهر

“الحياة لغز ولا أحد علي قيد الحياة يعرف الحل”
― عمر طاهر, جر ناعم

“حياتك فيلم، واللى حواليك بيلعبوا أدوار الأب و الام والجار والصديق، بس أنت بطل الفيلم حاول دايما تتصرف زى الأبطال”
― عمر طاهر

“الصبر الحاجة الوحيدة اللى لازم تستعجل و انت بتتعلمها”
― عمر طاهر, جر ناعم

“نريده (رئيس الجمهورية) شخصاً طبيعياً استعار كتاباً ومارجعوش”
― عمر طاهر

“كعادتها تغلف إجاباتها السريعة بسخرية لاذعة”
― عمر طاهر, جر ناعم

“يقولون عن المرأة عندما تتزوج أنها عثرت على (عدلها)
بما يعني أن المرأة تعيش حياتها مقلوبة
إلى أن تعثر على رجل ( يعدلها)،

و يقولون عن الرجل عندما يتزوج

أنه عثر على (نصف دينه)،
بما يعني أن الرجل يعيش حياته – شبه كافر-
إلى أن يعثر على المرأة
التي تجعله (يآمن بالله)”
― عمر طاهر

“حبل غسيل
3
حاولت قبل كده تتخلص من اسرارك
في اول صندوق زباله-انساني جدا
وفي شنطة قماش شديدة القماش
شديدة السواد بفتحات تهوية
كفاية لفضحك
وبدون ما تاخد بالك ترميها من ورا دهرك
وتسمع صراخ اللي جرحتهم
ومعركتهم الفاشلة مع شعورك بالذنب
صدقني ..هتضحك من ورا قلبك
ويدهشك تسقيف الجمهور وانت ماشي
علي ايقاع يأسك
وبتدخل دايرة المجهول”
― عمر طاهر, الخيانة: مشوار محرج لحد الحزن

“ضع في يقينك أنه ليس هناك مكان ينام فيه الشخص بأمان مثل غرفة أبيه.”
― عمر طاهر, برما يقابل ريا وسكينه

“في الجنة
هختار كالعادة أبعد شجرة عن الناس وأنام تحتها
وهغمض عينيا عشان ألاقي فكرة
وقبل ما أفتّح هلاقي الفكرة مطبوعة في كتاب واقع في حجري
وهكذا..
لا في الأرض..
ولا في الجنة
هقدر أقول إني مسكت قلم..وكتبت”
― عمر طاهر, عرفوه بالحزن

“الجواز مش انك تلاقى الشخص المناسب الجواز هو انك تكون الشخص المناسب”
― عمر طاهر, برما يقابل ريا وسكينه

“طبيعى انك تحس بالخوف .. بس اوعى تخلى ده يخوفك”
― عمر طاهر, كابتن مصر: ألبوم ساخر للمراهقين

“كنص جارح قرأته يومًا ولم تسعفني ذاكرتي لاستحضار اسم صاحبه، لكني أتذكر وخزته في صدري، أتذكر حرفيًا وخزة ذلك الشعور، لأني هكذا شعرت: أحسست بغيابه.. كان يشبه أن تستيقظ مرة دون أسنان في فمك ولا تودّ الركض إلى المرآة لتتأكد من ذلك.

الألم المنتشر في الجذور بعد خلعها منك يخبرك.
لا أحد يعرف آلام حضن امرأة بعد أن يخلع منه القدر شخصًا تحبه. غيابه ألم أسنان حاد في صدري.”
― أسما حسين

“أكره المذاكره لأنها تعطي الأفضلية والنجومية لـ عيال دمها تقيل”
― عمر طاهر, كابتن مصر: ألبوم ساخر للمراهقين