عرفوه بالحزن Quotes

“البنت اللي عينيها دبلانة
بتفرح بهدوء
وبتحزن بشياكة
وبتبقى قاصدة كل بصة
وبتبقى صادقة
وبتسيبك تغيب براحتك
وبتستقبلك لو رجعت ف أي لحظة
بعيونها الدبلانين”
― عمر طاهر, عرفوه بالحزن

“بيني وبين نفسي أنا..حاجتين
الأولي ..مش قادر أحددها
والتانية دمعة مخبياها العين”
― عمر طاهر, عرفوه بالحزن

“مش مهم
كلمة جديدة إكتشفتها النهاردة الصبح أول ما صحيت من النوم
"مش مهم ”
― عمر طاهر, عرفوه بالحزن

“لو الواحد بيختار المشاهد اللي بيشوفها
مكنتش هختار إني أشوف مشهد وداعك
كنت ودعتك وعينيا مغمضين
كنت ودعتك وأنا بمسح دموعي بإيديا الإتنين
لو الواحد بيختار يودّع مين”
― عمر طاهر, عرفوه بالحزن

“زمان واحد غلط .. فاتطرد من الجنة
دلوقتي..
كل ما واحد يغلط فيك
بتطرده من
اللي إنت فاكرها جنتك”
― عمر طاهر, عرفوه بالحزن

“مع نهاية التسقيف الجماعي
بتفضل سقفة شاردة
أطول من اللازم
صاحب السقفة دي غالباً هيتعب في حياته
لو ما اتعلمش يسقف زي الناس”
― عمر طاهر, عرفوه بالحزن

“كل واحد
بيحاول يعمل بالناس حكاية عمره
ما عدا الشاعر
بيعمل من عمره..حكاية لكل الناس”
― عمر طاهر, عرفوه بالحزن

“وقلبي خلاص .. من كتر الحب ؛ باينه عليل”
― عمر طاهر, عرفوه بالحزن

“في أي حته في الدنيا
في أتنين بدأو حياتهم
في بيت ناقصه حاجات كتير..
لكن.. مليان.
وبمرور الوقت..
بيتملى البيت..
بس ساعتها بيكون ناقصه حاجات كتير”
― عمر طاهر, عرفوه بالحزن

“إفتح يا صاحبي في الهوى محضر
مين اللي خلي سعري في الهوى..ببلاش ؟؟!
الراديو طول الليل بينقط السكر
والقلب طول العمر في غرفة الإنعاش”
― عمر طاهر, عرفوه بالحزن

“متقلقوش علي الشعرا..الفنانين
متقلقوش علي الشاردين..الدماغات..اللي زينا
متقلقوش علي أطفال
سهرانة بتبص من شبابيك ربنا”
― عمر طاهر, عرفوه بالحزن

“وبقول ربنا يرزقني النوم
يهاديني بمركب راحه البال”
― عمر طاهر, عرفوه بالحزن

“في الجنة
هختار كالعادة أبعد شجرة عن الناس وأنام تحتها
وهغمض عينيا عشان ألاقي فكرة
وقبل ما أفتّح هلاقي الفكرة مطبوعة في كتاب واقع في حجري
وهكذا..
لا في الأرض..
ولا في الجنة
هقدر أقول إني مسكت قلم..وكتبت”
― عمر طاهر, عرفوه بالحزن

“كل اللي فاكرة ..اني وانا عيل صغير سمعت صوت عريض غامص بينده عليا باسمي ..
ومن يومها ولحد النهردة باصحى كل يوم من نومي افتح عينيا واقول "مين ؟"!”
― عمر طاهر, عرفوه بالحزن

“أنا المتيّم ..والشريد كما طيري
الصدق توّهني..وكدبي نجاني”
― عمر طاهر, عرفوه بالحزن

“ارجوكوا عيدوا النظر
و بصوا مرة كمان
يا جماعة .. ساعدوني!
انا فعلا شايف حاجات انتو مش شايفنها!”
― عمر طاهر, عرفوه بالحزن

“أوحش بنت في الدنيا
البنت اللي شايفه نفسها حلوه
وأحلى بنت في الدنيا
البنت اللي شايفة الدنيا حلوه”
― عمر طاهر, عرفوه بالحزن

“البنت اللي تبص لي بتركيز أكثر من 20 ثانية
أبقى عبيط لو ما حبيتهاش
وأبقى عاقل زيادة عن اللزوم
لو قلت لنفسي
"تلاقيها بتشبه”
― عمر طاهر, عرفوه بالحزن

“علامات الإستفهام
بمرور الوقت بتبقى جروح في الروح”
― عمر طاهر, عرفوه بالحزن

“مش مهم"
كلمة جديدة اكتشفتها النهاردة الصبح أول ماصحيت من النوم.
"مش مهم”
― عمر طاهر, عرفوه بالحزن

“انا اكتر واحد حب بنات
واحسن واحد ياخد بُمب
و باسكر قبل ما ييجي الشرب
و اشرب..
افتكر العنوان”
― عمر طاهر, عرفوه بالحزن

“الحنين أتقل أمراض الألفية الجديدة”
― عمر طاهر, عرفوه بالحزن

“عيل بيلعب كوره في الشارع
قامت عربية خبطته .
كملت الكورة عمرها بين الناس
وكانوا كلهم عارفين
إن الكورة حزينة على اللي ياما لعب بيها
مش علشان اشطرهم
ولا أسرعهم
لكن .. لأنه كان الوحيد اللي ممكن يموت نفسه علشانها”
― عمر طاهر, عرفوه بالحزن

“مرة سألت ..عرفت كتير
وأما عرفت .. احترت كمان
واما احترت.. بقيت إنسان
واما خسرت.. خسرت بجد
و قولت آمنت”
― عمر طاهر, عرفوه بالحزن

“كل واحد مننا حكاية..ومافيش حاجة اسمها فلان ده حكاية...
وفلان ده لا... ومافيش حكاية أحلى من التانية”
― عمر طاهر, عرفوه بالحزن

“ضاع مني عمري في فلسفة حالي
لا ملت مرة .. ولا عدلت الميل”
― عمر طاهر, عرفوه بالحزن

“غصب عني ضحكت لك وسط الهتاف
وافتكرت و العساكر بتجري عليا ففرحت
علشان كدة غرامنا صوته عالى
من ساعة ما ايديكي اتمدت تطبطب مكان ما عصيان العساكر نزلت ؟”
― عمر طاهر, عرفوه بالحزن