Sara Ezzo > Sara's Quotes

“مش مهم انك تغير الكون... المهم انك تخلي الكون ما يغيركش”
― عمر طاهر

“أسأل كثيرا لماذا أشعر بالسعادة فقط عندما أتكلم إلي نفسى, و عرفت بعد فترة أن سبب الراحة هو كونى الشخص الوحيد الذى تريحنى إجاباته”
― عمر طاهر, جر ناعم

“الغياب بيقتل قصص الحب الصغيره و بيقوى قصص الحب الكبيره...زى الرياح ما بتتطفى شمعه على الترابيزه و بتزود حريقه فى الغابه”
― عمر طاهر, جر ناعم

“مش كل مره هتتعب فيها هتوصل للى انت عايزه .. بس عمرك ما هتوصل للى انت عايزه من غير ما تتعب ..”
― عمر طاهر, كابتن مصر: ألبوم ساخر للمراهقين

“وازاى هاضحك من قلبى وأنا قلبى واخدها بجد؟”
― عمر طاهر, قهوة وشيكولاتة

“ازاى الخوف وصلنى لدرجة انى ماخافش؟
ياللى فرقتوا الحب أنا قلبى بجد ماخدش”
― عمر طاهر, قهوة وشيكولاتة

“الحزن ماله مرة واحدة بيختفى؟
وسايبنى اتعرف لوحدى ع السعادة”
― عمر طاهر, قهوة وشيكولاتة

“بيني وبين نفسي أنا..حاجتين
الأولي ..مش قادر أحددها
والتانية دمعة مخبياها العين”
― عمر طاهر, عرفوه بالحزن

“إذا كانَت البدايات وحدها جميلة، دعنا نبدأ مجددًا، دعنا نبدأ مرارًا وتكرارًا، دعنا لا ننتهي أبدًا، دعنا لا نتوسط ولا نتعمق ولا نمل فننتهي، دعنا نبدأ ثُم ننسى أننا بدأنا ونعيد البداية، وننسى إلى اللا نهاية.”
― أسما حسين

“كنص جارح قرأته يومًا ولم تسعفني ذاكرتي لاستحضار اسم صاحبه، لكني أتذكر وخزته في صدري، أتذكر حرفيًا وخزة ذلك الشعور، لأني هكذا شعرت: أحسست بغيابه.. كان يشبه أن تستيقظ مرة دون أسنان في فمك ولا تودّ الركض إلى المرآة لتتأكد من ذلك.

الألم المنتشر في الجذور بعد خلعها منك يخبرك.
لا أحد يعرف آلام حضن امرأة بعد أن يخلع منه القدر شخصًا تحبه. غيابه ألم أسنان حاد في صدري.”
― أسما حسين

“لا العاشق مرتاح ..ولا الخالى مرتاح ..عبوكو كلكو”
― عمر طاهر

“إذا لم تستطع أن تكون قدوة فكن عبرة علي الأقل”
― عمر طاهر

“أنا مش عارف أحب الدور
أنا متضايق من نفسى”
― عمر طاهر, قهوة وشيكولاتة

“«كنا زمان بنقول إن ما فيش حاجة فى مصر بتتغير غير التوقيت، أهم ثبتوا التوقيت وغيروا الريس»”
― عمر طاهر

“فجأة..بيبقي الكون أسئلة
وبدون ورقة إجابة
بتحاول تغش من اللي راحوا..سر السعادة”
― عمر طاهر

“الضمير
هو الصوت اللي بيقولك
... خد بالك لحسن يكون فيه حد شايفك”
― عمر طاهر

“فضلت طول القاعده مركزة ف سقف المكان
وكل ما عنيها تيجي ف عيني كنت بصغر سنه
وعلى كده
طول الساعتين اللي قعدناهم
لحد ماخرجنا م المكان
عيل ساحب ف ايده مدرسة المزيكا العاميه ”
― عمر طاهر, قهوة وشيكولاتة

“«أصدقاء المصلحة مثل البلياردو من ضربة واحدة يتفرقون، والأصدقاء الحقيقيون مثل البولينج مهما تفرقوا يتجمعون فى النهاية فى حفرة واحدة»”
― عمر طاهر

“على فكرة مش عيب إنك تصلي لربنا لما تكون محتاجله، العيب إنك متبقاش عارف ان البني آدم محتاج لربنا طول الوقت.”
― عمر طاهر, كابتن مصر: ألبوم ساخر للمراهقين

“اخترت صح طلع الغلط في الاختيار”
― عمر طاهر

“الحكمة تجعلك قادرا على تفادي الشخص اللزج الذي يظهر لك في كل مكان قائلا: «خد نصيحتي» ..هل تعرف لماذا يطلب منك أن تأخذ منه نصيحته؟ سألته: لماذا؟ فقال: لأنه ما بيستخدمهاش.”
― عمر طاهر

“إذا كان الحب أعمي أصلاً.. لماذا تمتلئ فاترينات اللانجيري بكل هذه الألوان؟!”
― عمر طاهر

“هذه هى القاعدة فى الحب.. أننا لا نحب إلا ما يؤذينا، أننا لا نحب سوى مَن يعذبنا”
― عمر طاهر

“عيل بيلعب كورة في الشارع
قامت عربية خبطته
كملت الكورة عمرها بين الناس
و كانوا كلهم عارفين ان الكورة حزينة على الليياما لعب بيها
مش علشان اشطرهم و لا اسرعهم
لكن لأنه كان الوحيد اللي ممكن يموت نفسه .. علشانها”
― عمر طاهر

“دايما بلحق نفسى على اخر سلالم الانتحار
وتفضل مشكلتى الحقيقية فى رجوعى للارض بسلام
لا عمرى انتحرت
ولا عارف اعيش !”
― عمر طاهر, مشوار لحد الحيطة

“أنا سافل بيحب الدنيا وهربان من حكم بتأبيدة وباواجة ربنا بإيماني وباواجة نفسي بقصيدة”
― عمر طاهر

“أوحش بنت فى الدنيا
البنت اللى شايفة نفسها حلوة
وأحلى بنت فى الدنيا
البنت اللى شايفة الدنيا حلوة”
― عمر طاهر

“العقل زى البراشوت مابيشتغلش غير لما يتفتح”
― عمر طاهر, كابتن مصر: ألبوم ساخر للمراهقين

“الوقت الي هتقضيه في التفكير في الحاجات الي ناقصاك, المفروض تديه للفكير في الحاجات الي عندك”
― عمر طاهر, كابتن مصر: ألبوم ساخر للمراهقين

“‎أين الرجال من النساء؟

يظل جسد المرأة في حالة تضخم مستمرة و متزايدة علي مدي تسعة أشهر دول هلع , و إذا تورم ضرس الرجل (يخرب الدنيا) , تنزف المرأة لمدة خمسة أيام كل شهر دون هلع , و إذا (لعب الراجل في مناخيره بمنديل و لقي نقطة دم يخرب الدنيا) ,

تخرج المرأة من جسدها إنسانا كاملا (أيدين و رجلين و وش و رقبة) في مشهد يراه معظمنا كوميديا , بينما إذا أصيب الرجل ( بحتة إمساك) تستحيل حياته إلي جحيم بسبب قطعة متحجرة من الفضلات و لا يقوي علي إخراجها , تصاب المرأة بعشرات الصدمات العاطفية و لا ينتحر إثر صدمة عاطفية سوي الرجال,

تصاب النساء بمئات الإحباطات ولا يكتئب سوي الرجال بسبب إحباط عابر في العمل, يجثم المجتمع فوق أنفاس المرأة و مع ذلك فالرجال بس هما اللي مصابين بكرشة نفس.

اكتشفت أنني أضعف مما أتخيل و أعتقد أن معظم الرجال يفكرون بالطريقة نفسها فهم موسوسون و يخافون علي أنفسهم بشدة , أما النساء - و الشهادة لله - فهن أفضل من اتبع قاعدة (خليها علي الله) , هن الأقرب إلي الله , هن اللواتي علمننا الصلاة و ليسوا آبائنا.”
― عمر طاهر , رصف مصر