Che Mahmoud > Che's Quotes

“تخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.”
― عمر طاهر

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

“ظنوا أن النبي لا يحزن ، كما ظن قومٌ أن الشجاع لا يخاف ولا يحب الحياة ، وأن الكريم لا يعرف قيمة المال .
ولكن القلب الذي لا يعرف قيمة المال لا فضل له في الكرم ، والقلب الذي لا يخاف لا فضل له في الشجاعة ، والقلب الذي لا يحزن لا فضل له في الصبر .
إنما الفضل في الحزن والغلبة عليه ، وفي الخوف والسمو عليه ، وفي معرفة المال والإيثار عليه”
― عباس محمود العقاد, عبقرية محمد

“من أقوال الإمام علي رضي الله عنه: علامة الإيمان أن تؤثر الصدق حيث يضرك, على الكذب حيث ينفعك. وألا يكون في حديثك فضل على علمك. وأن تتقي الله في حديث غيرك.”
― عباس محمود العقاد, عبقرية الإمام علي

“إذا ميز الرجل المرأة بين جميع النساء؛ فذلك هو الحب.
إذا أصبح النساء جميعاً لا يغنين الرجل ما تغنيه امرأة واحدة؛ فذلك هو الحب.
إذا ميز الرجل المرأة لا لأنها أجمل النساء، ولا لأنها أذكى النساء، ولا لأنها أوفى النساء، ولا لأنها أولى النساء بالحب، ولكن لأنها هي هي بمحاسنها وعيوبها؛ فذلك هو الحب.”
― عباس محمود العقاد, سارة

“مواجهة الحقيقة من أصعب المصاعب في هذه الدنيا.
أولا: لأننا في الغالب لا نعرف ما هي الحقيقة.
و ثانيا:لأننا في الغالب لا نحب أن نعرفهاإلا مضطرين ، حين نيأس من قدرتنا على جهلها و نشك ثم نشك ثم نرى آخر الأمرأن الشك أصعب و أقسى من مواجهة الحقيقةو الصبر عليها.
و ثالثا: لأننا إذا عرفناها ففي الغالب_أيضا_أنها تكلفنا تغيير عادة من العادات ، و ليس أصعب على النفس من تغيير ما اعتادت ... فالموت نفسه لا صعوبة فيه لولا أنه يغير ما تعودناه ، و فراق الموتى لا يحزننا لولا أنه تغيير عادة أو عادات كثيرة .”
― عباس محمود العقاد, سارة