Omar > Omar's Quotes

“One is loved because one is loved. No reason is needed for loving.”
― Paulo Coelho, The Alchemist

“المجتمع زى الرصيف وسخ ولا زم يتكنس فى ناس بتعرق ع الرغيف وناس بتعرق م التنس”
― فؤاد قاعود

“لو النجوم تنزل و تمشى فى الشوارع
و لو العمارات تطير
و لو الضفادع فى الشتا عرقت
و الجو فى أغسطس أصبح مطير
و لو الحمير أتكلمت بفصاحة
و النملة صبحت فى ضخامة الفيل
مش حأندهش
بعد اللى فات
علشان أنا من سنة
إحساسى بالدهشة مات”
― فؤاد قاعود, الصدمة

“انا بعترض ع الباطل المطلوق سراحه
والحق متكتف بجنزير حديد
و بعترض على قلة البركه
فى كل ايد
وبعترض على قسمة المخاليق
حراس و ساده و عبيد”
― فؤاد قاعود, الأعمال الشعرية الكاملة

“لو خصنى الفيلسوف
بحكمته المحفورة فى ذهن الزمن
و بدأ يوجه لى الحديث
حأخد طريق غير طريقه
و أمشى بعيد عن ندوته و الزحام
علشان أنا من سنة
مؤمن بلا جدوى الكلام”
― فؤاد قاعود

“لو دندن البلبل بصوته الرخيم
و ضم عودته تحت جناحاته
و كنت أنا وحدى النديم
حأقفل ودانى فى وش أنغامه
و أهيل عليه التراب
علشان أنا من سنة
شفت الغنا كداب”
― فؤاد قاعود

“لو أصطفانى المضحك المشهور
بلبعه و أتشقلب قصادى
حيطل من عينى الغضب
و مستحيل أبتسم
مهما المهرج هاص و زاط
علشان أنا من سنة
عرفت إن الضحك إبن العياط”
― فؤاد قاعود

“لو دندن البلبل بصوته الرخيم
وضم عوده تحت جناحاته
وكنت أنا وحدي النديم
هاقفل وداني في وش أنغامه
وأهيل عليه التراب
علشان أنا من سنة
شفت الغنا كداب”
― فؤاد قاعود, الصدمة

“الحمام الحُر نوحُه للسلام
و السكوت موت للي روحه في الكلام
و الكلام المُر بلسم للي يعرف و اللي يفهم
و اللي يقرا و اللي يدرى و اللي يِعلم في الآلام
لما عود القمح يِشْرَق في التراب
لما قرص الشمس يغرق في الضباب
لما تبقى الناس بتِسْرح ماشية نايمة ف كل مطرح
مين يقول للشعب : صحصح لا تنام
الطريق الصح واضح واضح للعيون
و الزمن مهما يناطح بالغيوم
لسه في مليون حكاية
و العزيمة للنهاية
إحنا دايما البداية
لا الختام”
― فؤاد قاعود

“يا طير على الأرض ماشي
رضيت تعيش في الجحور
لما عاشرت المواشي
و نسيت طباع الطيور”
― فؤاد قاعود

“والعشق زين بس الهموم سبّاقة
والشوف حديد بس الغيوم خنّاقة
والأنتظار للوعد نار حرّاقة
أمتى تطول العيدان دا من زمان
مشتاق أنا والحلوه مش مشتاقة”
― فؤاد قاعود

“وبأعترض وبأعترض
على ملايين الحاجات
أشياء كتير لو قولتها
البحر ما يكفيش مداد
لكن أعتراضى الأهم
ينصب قبل كل شيئ
على العيون الكارهة للحرية
اللى بتنظر لى بغضب وعداء
وأنا بأعترض”
― فؤاد قاعود

“أنا بأعترض ع الألم
اللى أنكتم ف الضمير
وع الوجوه الخالية م التعبير
وبأعترض ع الجرح
اللى العجايز بتعانيه
لما العيال تسأل سؤال واضح
مالهوش جواب عندهم”
― فؤاد قاعود

“أنا بعترض ع الباطل المطلوق سراحه
والحق متكتف بجنزير حديد
و بعترض على قلة البركه
فى كل إيد
وبعترض على قسمة المخاليق
حراس و ساده و عبيد”
― فؤاد قاعود

“لو أتحشى فرشى بريش نعام
و لو ستارة غرفتى
مطرزينها بأجمل الأحلام
محال أغمض عيونى
مهما يزيد لومى
علشان أنا من سنة
ضيعنى نومى”
― فؤاد قاعود, الصدمة

“إيـــه مـــــآل المبــدعـين
فى زمـــــــان المــدعين
إلا تنكـيـــس الجـــــبيــن
والضمــــــور والإنسحـاب
الكــــــلام مهــزوز ومـايع
والريــــاء ف الجـــو شايع
المهــــــــم تـــزيد ودايـع
هوّه ده فصــــل الخطــاب”
― فؤاد قاعود

“لو غيتك شهرتك اعمل لها طبال
صوت الكفوف ع الدفوف يدوش لكين قتال
والشهره مهره حويطة تقلب المختال
تجمح وترمح وتقزح باللي راكبها
يا يطب للديل يا يطلع فوق مناكبها
تعاند اللي ركبها والغرور ساقه
وتصاحب اللي يلجمها بأخلاقه
والحر لجل الحقيقة يركب الأهوال !”
― فؤاد قاعود

“لما العيون طفحت دموع حمرا
طلع الكلام بركان غضب
إمسك ياواد مطرقتك السواد وهيج ف الكون
إلبس ياواد جلابيتك الزرقا
واعزق بفاسك ف الوشوش الإزاز
اشمر كمام عفريتك الغامقة
وانزل بمفتاحك على البتارين
حطم وجوه محبوكة التلوين بالمعاجين
وانطر شرر أحمر ياعرق الغضب
انطر شرر طاهر
دق اللهب ف الحطب
خلى النسيم يخلص من الجراثيم
قول ياجدع
وانزل بعزم الكلمة ع الضلمة
واخلق نهار بالأمر
خلى الحروف السودا تولد جمر
خلى الكلام كرابيج
تشق جلد التلمْ
وتشد ضهر العواجز
وتعلم الشاب الكتير الدهن
نط الحواجز
راح تعمل ايه والعقارب ف العفن بتعيش
راح تعمل ايه والغراب إتجوز البومة
وخلفوا خفافيش
قول كلمتك وامشى ولا تحكيش
ولا تقول تفاصيل ولا تهوَن
ولا تلتفت جبهتك عن وجهتك للشمس
دا كل شىء محسوب ومتدون
والمسألة منجلة
ح تحز وتقرّط
وتجز وتمرمط
وتعلم اللى استسهلوا الأقوال
إن الرجال أفعال .”
― فؤاد قاعود

“الصبر كالقبر يقتل يا أولى الألباب
أيوب صبر و العبر من بلوته ف كتاب
ضاع ف الخلا و ابتلا جسمه بدون أسباب
يا مغنى ع الصبر عايز تزرعه غيطان
اردم ع الصبر و ازرع م الحماس فدان
حقق و دقق و قوم زعق و دق الجرس
بالقول تنول الحلول مش بالمنى و الخرس
ده الصبر سرداب عذاب أسود بلا أبواب”
― فؤاد قاعود

“دنيا ســـرعتها مهــولة
قبل ما انعم بالطفــولة
ابتديت عهــــد الرجولة
ثم فاجأة الشعر شاب”
― فؤاد قاعود

“يازمن على راسه بطحة
بارزة ف قــرونك وواضحة
الخجل مـات والمفاضحة
ف الشيوخ قبل الشبـاب
ياحيتان بحـــر الممـــارسـة
ياسفن مش لاقية مرسى
البـــلابــل بـــايتـــة خــرسا
والخفـــافيش ف اصطخـاب
مثلوا روايــــة طـويلة
كلهـــا أوحـــال وبيلة
ثم جـاء ذكر الفضيلة
ف النهـــاية باقتضاب
واللى متحـامل لعلة
فعــل بقـــه ليس إلا
فعل شكمان التريللا
يرمى فوقك بالهبـاب
دنيا ســـرعتها مهــولة
قبل ما انعم بالطفــولة
ابتديت عهــــد الرجولة
ثم فاجأة الشعر شاب”
― فؤاد قاعود

“من بعد غزو مخلوقات غريبة للوطن
والسيطرة على الجهات الأربعة
قتلوا تلاتة من مثيرى الشغب
الحق والخير والجمال
شيعتهم ف صمت
ومكانش ف الجنازة إلا حافر القبور
وقلة من أراذل الحرس

إشتدت العماية والغواية عمت المكان
واتقدموا أفاضل الرجال بالاعتذار
واتأنبوا على سلوكهم النبيل
ومعتقل سياسى كتب عريضة استنكار
إتبرى فيها من جميع مايعتقد


لكل دا وماسبق وماسيأتى
أسلمت نفسى للخلا
مستنى طاقة قدر تنفتح لى
لو تنفتح لى رح ابتهل واقول
اجعلنى طائر
أبدل دراعاتى العقيمة أجنحة
أنهض وارفرف وارتفع عن الصغائر

رصدت ليلة القدر كلها
وعيونى مفتوحة على السما
أستنظر البشاير
واقدم الضراعة واطلب السماح
لحد لما شقشق الصباح
ولا ظهرش حل

لما اتنصب قصادى حائط اللاجدوى
حققت فيه لقيته مش سدد
مافيش حدود ولانهاية للعدد
وف آخر اللاحل تتوجد حلول
لكن حلول مضادة !
بالرغم من فداحة الخساير
مع اعترافى بالهزيمة المطلقة
لقيتنى أملك بعد كل دا
حرية إختيار محددة
على أن اختار مابين اتنين
أمارس اليوجا واتحول إلى تمثال
أو أنتظم درويش فى ساحة الحسين !”
― فؤاد قاعود

“لكل فعـــــــــل رد ولكل رخي شــــد
دي المعمعة يا واد باين حتبقي جــــد
دول ناس كتير كتير ما يخضعوش لعــد
وفجر بكـــــره زاد من خطوته و مــــد
انـدر مـا في الولاد أثمن مــا في العــدد
أطهر مــا في البنـات يــــزودوا المــــــدد
أثبــــت من الثبـــــات ومن الحـــجر أشـــد
ولا يقـــدر الســــكات يبني قصـــــادنا ســد
ولا يقــــدر الظــــلام يكون لنــــــورنا قـــد
وان شعب مصر قـــام مش راح يخلي حــــد”
― فؤاد قاعود

“ضربت بجناحي الرياح صوتت
و مرقت زي السهم نحو النجوم
لجل الهوا الطلق الجميل
يخش صدري العليل
وينقي ريحي ريشي من تراب السفح

ملعون يا صيد المراعي
ما شفت فيك
غير الكلاب والأفاعي
ونا الجسور النفور
لا أحط ع الجيفه الموات ولا أدور
ولا يرضي عزمي وحسمي
صيد الفيران م الجحور
طبع الحادي غير طباع النسور

اللي انطلق ف الجو ويا الرياح
يعتل قلبه لو زحف ع الأرض
وما يستريح
غير لما يرجع للفضا عطشان
للدود مكان
وللجوارح مكان

علي أعلي قمه ف الجبل رفرفت
علي أعلي قمة ف الجبل حطيت
والله وحشني البيت
وكري فرشته بالشموخ والثبات
أسيبه طول النهاروأحن له في البياتلكن النهارده عجيب
رجعت قبل الشمس ليه ما تغيب

طويل طويل ياعمر
عريض شقار ونقار وممدود سنين
لكن تهون ف الهوان
إذا الكواسر خواسر والديدان فايزين
وتكون محال
دنا رضعت الرفض من قمم الجبال

أوصي يكون الكفن
بالكبرياء الجليل
ولا ينطلق صوت بالعويل
لكن في صمت حكيم
واللي اتولد وحده .. يموت وحده”
― فؤاد قاعود

“من عاش يحتمل الحياة كمحنة
أبت الحياة عليه أن تتحمله
نحتاج عمرا كي نربي ثائرا
و دقيقة تكفي الطغاة لتقتله”
― أحمد بخيت

“If you expect nothing from somebody you are never disappointed.”
― Sylvia Plath, The Bell Jar

“I felt my lungs inflate with the onrush of scenery—air, mountains, trees, people. I thought, "This is what it is to be happy.”
― Sylvia Plath, The Bell Jar

“The silence depressed me. It wasn't the silence of silence. It was my own silence.”
― Sylvia Plath, The Bell Jar

“And when at last you find someone to whom you feel you can pour out your soul, you stop in shock at the words you utter— they are so rusty, so ugly, so meaningless and feeble from being kept in the small cramped dark inside you so long.”
― Sylvia Plath, The Unabridged Journals of Sylvia Plath

“Yes, I was infatuated with you: I am still. No one has ever heightened such a keen capacity of physical sensation in me. I cut you out because I couldn't stand being a passing fancy. Before I give my body, I must give my thoughts, my mind, my dreams. And you weren't having any of those.”
― Sylvia Plath, The Unabridged Journals of Sylvia Plath