Dina Maged > Dina's Quotes

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“يا خالق كل شئ ناقص .. كمالته معاك
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― مصطفى إبراهيم, المانيفستو

“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”
― مصطفى إبراهيم, المانيفستو

“وراكل كلمة سبتها و طلعت فيه كلمتين مارضوش . ورا كل دمعة سبتها و نزلت فيه دمعتين مارضوش . وراكل كاس حزن فضيته بالنسيان فيه ألف كاس مليان بيزيدوا مابيفضوش”
― مصطفى إبراهيم, المانيفستو

“كل يومين .. بكبر و ارمي حاجات
و اكتشف إن أنا .. كان ممكن أعيش
من غيرهم اصلا من ألاول
ما اعرفش بقى اليأس اتحول
و قلب زهد
و لا دا جين صوفي من الأول مش محتاج جهد ؟”
― مصطفى إبراهيم, المانيفستو

“ارجوك يا زمان خبى المقدور
الضلمة براح اكتر من النور
سيبنى اتخيل .. ان انا بختار
قبل اما اعرف .. ان انا مجبور”
― مصطفى إبراهيم, المانيفستو

“قال الشهيد للشهيد ف السما الأولى

الطلقة مش طايشة... و الدولة مسئولة

قال الشهيد للشهيد ف السما التانية

الأرض طبّت جنبي مقتولة

قال الشهيد للشهيد ف السما التالتة

الحظ جابنا ...و احنا مش فَلتة

قال الشهيد للشهيد ف السما الرابعة

الدم حيروح فين ... الدايرة مقفولة

قال الشهيد للشهيد ف السما الخامسة

الأرض دي ..متبوعة مش تابعة

لو كان دَعَاكوا نزول ونا لسة وسطيكوا

يبقي ف غيابي تنزلوا أدعى

قال الشهيد للشهيد ف السما السادسة

؟مين كان من الانبيا مش قلة مندسة

و حكي الشهيد للشهيد م السما السابعة

عن ثورة تانية حتيجي .. أقوى م الأولى”
― مصطفى إبراهيم, المانيفستو

“الماضي بيمضي حضور يوميا في الكشوفات..
مين قال امبارح مات ؟!”
― مصطفى إبراهيم, المانيفستو

“قلبك في قديمك وجديدك
تلقي الموضوع كله في إيدك
بتعيد نفس الحركات ف الدور
وبتستغرب لما يعيدك”
― مصطفى إبراهيم , المانيفستو

“رقصت كتير علي السلم بخاف أطلع و أخاف ن الأرض
-أكيد الخوف مش الفكره
وحتي يا ستي يعني بفرض , اكيد الخوف ما هوّاش عيب , طبيعي الناس تخاف م الغيب وم المقدور , برغم كده بحب الضلمه أكتر ما بحب النور,
ساعات بتمني شقه ف برج شايفه النيل, واوقات اني اعيش مستور وبزهد .. كل ما ف الرحله من زخرف ومازهدهاش ما دام فيها رمق يتعاش, اكيد ف الرحله يوم متحاش ومستني اعدي عليه,
-وتعرف ايه عنه اصلا؟
مفيش غير انه لسه مجاش”
― مصطفى إبراهيم, المانيفستو

“نشبه لذرات الهوا.. وقت الجليد والبرد
بتتكثف وبتقرب أوى من بعض
وترجع تانى تتفرق
مع أول دفا تشمه
كرهنا الشمس بسببكو
يا شعب البرد بيلمه”
― مصطفى إبراهيم, المانيفستو

“دايماً على قدّ ما تِتساب .. سِيب
و على قدّ ما واحشك أحباب .. غِيب
كُل الدَاين .. كان مِتداين
و الدين بِيلّف بدون ترتيب”
― مصطفى إبراهيم, المانيفستو

“لن يعترف حتى لنفسه بأنه خسرها. سيدّعي أنها من خسرته، وأنه من أراد لهما فراقًا قاطعًا كضربة سيف، فهو يفضّل على حضورها غيابًا طويلًا، وعلى المتع الصغيرة ألمًا كبيرًا، وعلى الانقطاع المتكرر قطيعة حاسمة.”
― أحلام مستغانمي, الأسود يليق بك

“لن تقدم لك النصيحة حنونة، ولن تضربك بمحبة .. الحياة، ليست أمك.”
― أسما حسين