Dina Maged

“الماضي بيمضي حضور يوميا في الكشوفات..
مين قال امبارح مات ؟!”
― مصطفى إبراهيم, المانيفستو

“نشبه لذرات الهوا.. وقت الجليد والبرد
بتتكثف وبتقرب أوى من بعض
وترجع تانى تتفرق
مع أول دفا تشمه
كرهنا الشمس بسببكو
يا شعب البرد بيلمه”
― مصطفى إبراهيم, المانيفستو

“يا خالق كل شئ ناقص .. كمالته معاك
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― مصطفى إبراهيم, المانيفستو

“رقصت كتير علي السلم بخاف أطلع و أخاف ن الأرض
-أكيد الخوف مش الفكره
وحتي يا ستي يعني بفرض , اكيد الخوف ما هوّاش عيب , طبيعي الناس تخاف م الغيب وم المقدور , برغم كده بحب الضلمه أكتر ما بحب النور,
ساعات بتمني شقه ف برج شايفه النيل, واوقات اني اعيش مستور وبزهد .. كل ما ف الرحله من زخرف ومازهدهاش ما دام فيها رمق يتعاش, اكيد ف الرحله يوم متحاش ومستني اعدي عليه,
-وتعرف ايه عنه اصلا؟
مفيش غير انه لسه مجاش”
― مصطفى إبراهيم, المانيفستو