Basma > Basma's Quotes

“والقُرب بيسيب ع القلوب
تجاعيد
وسط الروتين
وبين فراغات الزعل
بتزيد
فسيب مشاعرك
في الفطام
هتطيب..
وحب لكن
حب وانت غريب
القرب
أصعب.. حُكم إعدام ف التاريخ
والصورة أجمل
! طول ما هية بعيد”
― مي رضوان, الشنطة البمبي

“عمرك حسيت
إنك محتاج .. حُضن؟
مش شرط يكون من حد مُعين
أو عارفك
وكفاية أوي إنه يكون دافي
ومش متكروت
ف سلام مستعجل
ومجرد بس بروتوكول
(للحضن أصول)
فتحة دراعين ما تاخدش الا انت
وتسيب تفاصيلك برَّك
من غير تفسير
لتصرُّفها
غير رغبة لـ بث الدفا
جواك”
― مي رضوان, الشنطة البمبي

“وانا زي قالب طوب
ممكن يكعبل حد
او يبقا جزء ف بيت
او يبقا حائط صد
أو يسند العجلة لو جات تقف ف مطب
وانا عمر قلبي ما حب
ولا مرة زي ما عاز
الحب كان توكيد
للناس وعندي مجاز”
― مي رضوان, الشنطة البمبي

“مش عايزة ورد ..
الورد فيه تغريبة تغري بالحنين ..
وأنا غربتي أوسع كتيير منه
والحب مش إعلان مؤقت بالحياة ف بوكيه
ويومين يكون دبلان..!
.
مش عاوزة أغنية ..
كل الأغاني كدابين
.
مش عاوزة جاوابات توسِّع المسافات كمان
.
مش عاوزة وعد بشيء جديد
ولاشيك أمل .. من غير رصيـد
.
مش عايزة ف اللحظا دي غير ..
غير إحساس ضروري بالأمـــان”
― مي رضوان, الشنطة البمبي

“يافرحة جوا الغيب
ماتيللا بقى....كدة عيب
وانا لسة فيا شباب
تعاليلي قبل ما اشيب”
― مي رضوان, الشنطة البمبي

“و حبك ليا مش عشوة
وتذكرتين
وبوكيه ورد يصالحني لما نتخاصم
ولا خناقة مع الواد اللي عينه عليا ومدايقك
عشان بتغير
و مش صح ان لو واحد
أكل حبة سوداني يطير
ولا ضفدع بقدرة قادر اتحول ف يوم لأمير
وبياض التلج ماتت قبل
ما يجيلها البطل بكتير
ولا الأشرار بيبقى شكلهم معروف
ولا بيتفقسوا م الأول
ولا بيتمسكوا ف الآخر
ف مالآخر
و م الانصاف
محدش كامل الأوصاف
يجوز فعلاً
في كل منا شئ مجنون
وانا حابة الجنان لكن
ياريت تفهمني وتصدق
على عكس اللي تتمناه
حياتنا بجد
مش كارتون”
― مي رضوان, الشنطة البمبي

“لعب القمار ع العمر تعريف الغباء
العب
فماتخفش الخسارة
اخسر
فمتبطلش لعب
اكسب
تخاف من كل شئ
حتى انت نفسك
تبقا خايف منها
متسيبش حاجة معاك اخيرة تحبها
لو كنت عايز تكسب اللعبة
وتفضل ف السباق”
― مي رضوان, الشنطة البمبي

“وحيث بقا كل شئ عكسي
فانا شايفه الحياه ورطة
فلو لازم تكون غلطان
لانك حد م العايشين
يفضل لو بقينا اتنين
بجِملت .. كمِّل الغلطه”
― مي رضوان, الشنطة البمبي

“فسيب مشاعرك ف الفطام هتطيب
و حب لكن حب وانت غريب
القرب .. اصعب حكم اعدام ف التاريخ
و الصورة أجمل طول ما هي بعيد”
― مي رضوان, الشنطة البمبي