Dema Karim > Dema's Quotes

“تتصور..... أنامتصورتش من مدة
علشان النظرة اللى في صورتى مبتريحنيش
تتصور.... أنامتكلمتش من مدة
علشان النبرة اللى في صوتى مبتطمنيش
وأنا زى مفيش رافض نفسه
متحامل جداً على نفسه
بيخاف ليجيله اللى في نفسه وبيخاف ميجيش”
― ميسرة صلاح الدين, شباك خجل

“لما شفتك جوه منى
قلبي حس الارتباك
أصله كان خواف بطبعه
وأنت طبعا مش ملاك
هو دا جرح الحكاية
وارتعاشاتي فى غنايا
وأنتي من بين الصبايا
عامله جوا يا اشتباك”
― ميسرة صلاح الدين, أنا قلبي مش فارس

“مفيش فى الدنيا ولا حاجة
عشان تتحب
عجوزة كئيبة محنية يعوجة ضب
وكل ما فيها بيزود وحاشتها
لكن مكارة وبتعرف تخش القلب”
― ميسرة صلاح الدين, أنا قلبي مش فارس

“مكنتش فيكى المشكلة
ولا فى الظروف الصعبة
ولا طيش الشباب
المشكلة فيه أنا
أنا والنهايات السعيدة مش صحاب”
― ميسرة صلاح الدين, شباك خجل

“وقرصة حزن ليل البرد
مقابلها بدفى ذكرى
كانت بتحلم بالامان
وتصدقه
فتمد احلامها على قد الغطا
تكفينى شر الحرج والذل والكافيه
مقفول يا باب الفرج مين يفتحك عافيه”
― ميسرة صلاح الدين, أنا قلبي مش فارس

“من صغرى بحب العسلية

واكمن عيونك عسلية

أنا حبيتك

على باب بيتك

واقف ومسمر رجليه

ونن عنيه

قصقص جناحاتة

فى شباكك

عصفور

و أتمحك فشباكك

مش عايز

حد يطلعني

إنما لو قلبك

يوم باعني

أنا حكبر

على كل مشاعري

وحبطل أكل العسلية .”
― ميسرة صلاح الدين, أنا قلبي مش فارس

“كل البيوت صبحت إزاز
حتى الحيطان المايلة
زادت ع الطريق
واتبدلت كل الوشوش
بقناع برىء
مفضلش غيرها
شريطة سودة مكلفته
صورة ضماير ميتة
فى برواز”
― ميسرة صلاح الدين, أنا قلبي مش فارس

“كل حب وله ضحية كل شيخ بيقول يجوز
البنات عصافير شقية والجواز صياد عجوز”
― ميسرة صلاح الدين, أنا قلبي مش فارس

“صاحبيني يا احزان احسن ماليش صاحب
في الدنيا دي مابقاش في حد يتصاحب”
― ميسرة صلاح الدين, أنا قلبي مش فارس

“كل ليل بيعدى اطول م اللى قبله
كل شمس تغيب خلاص مش راجعه تانى
كل حلم بينطفى من غير م أقابله كله ماشى الأ انا واقف مكانى”
― ميسرة صلاح الدين, أنا قلبي مش فارس

“صباحك يا بلدي

صباحك شريف

يا وردة وحيدة

فى فصل الخريف

يا ست المداين

يا ورد الجناين

يا فجرى اللي باين

وظهر الضعيف

صباحك يا بلدي

صباحك شريف

هرست المدمس

فى حضن الرغيف

ومادد إيديا

بقســم فطارى

ما بيني وبينك

واكحل في عينك

ولما تمسى بسيبك وأمسى

وأسبلك سريري

وأبات ع الرصيف . .”
― ميسرة صلاح الدين, أنا قلبي مش فارس

“احنا الشعب الخط الاحمر

وانت عليك بس التنفيذ

مش مسموحلك تقعد اكتر

ولا حتولى علينا عزيز

الفراعين وزمانهم ولى

والصمت اللى ركبنا اتخلى

فكرك يعنى تاخدها مقاولة

وتشطب تشطيب عواجيز”
― ميسرة صلاح الدين

“يا رب بحنى جبهتي
وبحس أنى عليت كتير
و فضعفى بلقى قوتي
والدمع توب ملهوش كبير
وأنت الكبير
ع اللي كبر
واللي فجر
واللي في ليل الخوف غدر
حتى القمر
بيصلى بنجوم السما
وأنت اللي بيك قلبي سما
عن كل أطماع البشر”
― ميسرة صلاح الدين, أنا قلبي مش فارس

“من غير ما ابعت رسايل
قاعد..
مستنى...
رد”
― ميسرة صلاح الدين, أرقام سرية

“والمعرفة متجيش بلاش
دفع التمن
بقى ذئب لكن يؤتمن
من كل أوساط الذئاب
القوة والزيف والشباب
وعيون مغلفها الحذر
الحق دا وجهات نظر
وأنا وجهتي صبحت
ِلفوق”
― ميسرة صلاح الدين, أنا قلبي مش فارس

“احتمالات التفرد فى القصيدة
تبتدى
لحظة خروجك وردة
من بين السطور”
― ميسرة صلاح الدين, أرقام سرية

“عايز تثبت اوى
ع الارض..
لازم تثبت من جواك”
― ميسرة صلاح الدين, أرقام سرية

“الشمس مبتبعتش نور
غير للى ناوى يشوف بجد”
― ميسرة صلاح الدين, شباك خجل

“لم تعد في القلب أوتار تغنى
حسبي لو قربتي منى
حسبي جداً
جوه منى الجرح ديك عمال بيدن
كل ما بتشرق ذنوبك”
― ميسرة صلاح الدين, أنا قلبي مش فارس

“معدش الخير في تكويني
سواد الدنيا م ا لدنيا
دى ولا سوادها من عيني
وأنا بعيني
ببص الصبح في مرآيتى
بشاعة صورتي كسرتها”
― ميسرة صلاح الدين, أنا قلبي مش فارس

“عدى الخليفة علينا
ومكنش فى القدرة
ولا نقطة أمل
لكنه بصلنا بملل
و محسناش
و أحنا بمروره محسناش
غير بس من صف العساكر
و ارتعاشات الطريق
من تحت رجلين الجموع”
― ميسرة صلاح الدين, أنا قلبي مش فارس

“دخان سجاير لفها الشياطين
والقلب طعم لمخلوقات الليل
دلوقتى بس عنيه جت فى عنيه
يا شعر عايز منى ايه تانى”
― ميسرة صلاح الدين, أرقام سرية

“اجمل نجوم السما
نزل ف ايدي اليمين
حسيت براءته ف كفي
ونوره على وشي
غمّضت عينى ..انما
روِض خيالى الشوف”
― ميسرة صلاح الدين, أرقام سرية

“الأوضه كانت ضلمه كحل
وانا كنت اغمق ركن ف الضلمة
رغم المهدئ..بارتعش تفكير”
― ميسرة صلاح الدين, أرقام سرية

“النظارة السودة
القلب المتقفل دايما
بالأرقام السرية
العطر حيادى الأحساس
أنا دلوقتى
مسلح جدا
ممكن أواجه كل الناس”
― ميسرة صلاح الدين, أرقام سرية

“كانت شفايفِك نوّه
وعيونك شَبَك
يعنى الليلادى
البحر ح يبات عندنا”
― ميسرة صلاح الدين, أرقام سرية

“بعد ما صرَّخ اوى م الخوف
خاف ليكون الناس شايفينه
غمى مشاعره
وكرمش عينه
مثِّل أنه ما بيصَّرخش
لكن الدنيا
عشان بتخوِّف
كل الناس ..حبُّوا التمثيل”
― ميسرة صلاح الدين, أرقام سرية

“الحزن مربع ع السفرة
وبيغمس ف الحلم البايت
والهم بيخرج م التلاجة
وأوض النوم وبخار العيش
وأيدين العتمة مغمية على عيون الشيش
وأنا واقف على نفس مكاني
فى أبراج الصمت”
― ميسرة صلاح الدين, شباك خجل

“أنا شابت فعنيه النظرات
مابقتش لا واعر
ولا واعي
لو وجعك نقطة ف أوجاعي
تبقى أنت شهيد
السما بتمطر نار وجليد
واليأس سديم مش متناهي”
― ميسرة صلاح الدين, شباك خجل

“الغربة كان أحساسى دايما وسطكوا
طب أنتوا كان احساسكوا أيه
كانت عنيه متبته فى الأرض
والصمت كان رغبة وسمه
شجرة مشاعرى بتنتـفض أسرار
لكن مفيش ولا سر ممكن يتوصف
تتساوى عزلة قلبى في كهوف الغياب
بحضوره في جميع الطقوس المعلنة
يعصرنى شبح الأسئلة
بصوابع أخشنت هموم”
― ميسرة صلاح الدين