Sara mohsen > Sara's Quotes

“أنا الخير والشر معا لأني انسان”
― إحسان عبد القدوس

“معلش بقى اسمحلى
لو هنتكلم عن الحلاوة
أنا طقاطيعى مجرمة
صحيح ودانى كبيرة
لكن مناخيرى منمنمة

...وكل ما أطلع سلمة
يقولولى شد حيلك
لسه بدرى على السطوح
عيونى جريئة جريئة
لكن فى الحقيقة
لا بتعرف تدارى ولا بتقدر تبوح

شعرى صحيح مش ناعم
لكن لايق على رأسى
ولما يصدق احساسى
معرفش فين من روحى أروح

بحبك لما بتستعبط
وبتقولى مالك
وبتبكى ليه
وليه كده مجروح”
― علي سلامة

“ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته”
― علي سلامة, ناقص حتة

“لما تقوم الصبح لوحدك
فايق أوى فرحان
والدنيا بتاخدك بالحضن من غير لف ودوران
وإنه كمان مسموح لك تحلم وبدون استئذان
لما تحس بروحك طايرة وبتقرب منك
وقلبك رغم الحزن يقولك مش زعلان منك
وإنك لسه بتقدر تعشق
وإن الكلمة بتطلع سهلة مش غصب عنك
وإن حياتك كلها تفرق عن كام ساعة فاتوا
وإن النقط السودة ف توبك اختفوا أو ماتوا
وإنك حد مصالح روحه وبيحب حياته
إياك تسأل ليه وإزاى وتدور على تفسير
وامسك فيها بعمرك كله وأوعى تسيبها تطير
أصلها حالة جميلة جميلة ومابتحصلش كتير”
― علي سلامة

“أما الدنيا دى حلوة حلاوة
يخرب بيت كده..
تمد إيدك تساعد حد
يرد عليك بنظرة رضا..
ما تعرفش ساعتها
مين اللى كان محتاج للتانى ..”
― علي سلامة

“هي ساعات بتضيق جوانا
بس بتضحك لنا ف الآخر”
― علي سلامة

“بُص .. حا أقولك
م الآخر
أنا عندي عربية
ماركبتهاش
ومعايا فلوس
ماكسبتهاش
وجوزوني بنت حلوة
ماحبتهاش
وإشتريت بدلة جديدة
مالبستهاش

كسرت الحمام وغيرته
ماحستش بأي إنتعاش
خدت بعضي علي جنب
وكان يوم حر .. رطوبة
وقُلت لروحي.
إيه ياعم
إنت طوبة
قاللي لأ
يا صاحبي دي حسبة
ومحسوبة

أنا أصلي زمان
لمست قلبي
غنوة حب جميلة .. جميلة
لكن يا خسارة
ماحضنتهاش”
― علي سلامة

“الأوله آه ....
والتانية … آه
والتالتة ... مفيش
معنديش …
نفس أقول آه ...
معنديش …
قالو ..
إقلعوا … قلعنا
ومفيش ... بتعكوا
وبتعنا …
وصار متاعهم .. متاعنا ..
وألف مرة إتلسعنا ...
و برضك ... مفيش
الأوله …آه
والتانية .. آه
والتالتة ... مفيش ....
قالو إبصموا ...
بصمنا …
ده بكره ... سكر .. وسمنا
سيبنا غيرنا رسمنا
إتقسمنا …
على اد ما فينا من جراح ...
ابتسمنا …
الأولة .. والتانية .. والتالتة
مفيش …
الدنيا هاصت .. وهيصنا ..
ريحنا لما .. تيسنا
تاه الطريق من اتوبيسنا
يئسنا …
لا ... عرفنا ليه قلعنا ...
ولا عرفنا ...
إيه … ليبسنا ...
الأوله والتانية والتالتة مفيش
واهى .. ماشيه تجرى المسائل ..
ولا حد ... سائل ...تصحى مرسى ... ينام وائل
ده انا كنت واد م الأوائل ...
وكنت شاطر ... شطارة ...
وكنت فن .. وعمارة ..
وكنت صاحب تجارة ...
معرفش إيه اللى صابنى ...
فى قلبى ... ضاعت
سمارة ….
خربوها …..
خربوها ولاد ….القطقوطة
لا طرحت باميه ... ولا قوطه
وسابوها فى سرير مربوطه ..
و يا ريتهم طلعم رجاله ...
و يا ريتها .. رايقه .. و مبسوطه ..
خربوها …
دول سرقوا الهوا ... والضى ...
ويا عينى ... عليها بلد ...
يا ريتها ... ما قالت أى ..
ويا ريتها ما جابت ولد ..
خربوها …
دول سرقوا النخلتين .. والنهر
والمدرسة ..
والهندسة .. والجبر
سرقوا الشوارع ... والمعانى
والأغانى …
وسيد درويش .. والريحانى ..
سرقوا ... المشاعر .. والمزاهر
والبخور ...
سرقوا الحزن ...
سرقوا …حتى القبور ...
خربوها …
دول سرقوا الطيب .. والزين
وسرقوا …الكحل من العين
وسابوها .. تاكل بالدين ...
وان يوم أتعدلت ... عواجوها ..
خربوها …ولاد ال ..
خربوها ...
خربوها ولاد
ال ..”
― علي سلامة

“لولا حاجتلى الغامضة الي الشعر لما كنت في حاجة الي شئ”
― محمود درويش, أثر الفراشة

“وسألني هل أنا + أنا = اثنين
قلت: أنت و أنت أقل من واحد”
― محمود درويش, أثر الفراشة

“و كن من أنتَ حيث تكون
و احمل عبءَ قلبِكَ وحدهُ”
― محمود درويش

“عارف لما تشوف الصبح بيطلع .. و انت قاعد
لما تلاقى قلبك بيدق وانت بارد
أو تنام و انت شارد .. و تجرى وانت واقف .. و تبكى وانت ساكت
عارف لما عينيك تشوف جوه ناس .. و تحس بإحساس
عارف لما تبقى كل حاجا غلط صح .. و كل حلال حرام
المية تبقى نار و النار تبقى مطر
عارف لما تسكت و جواك مليان كلام
و تتكلم وانت مش طايق الكلام
تشوف الكدب من العينين باظظ
وإن اتكلمت هاتبقى عينيك بتشوف مش زى مانت باصص
تمشى مش زى مانت رايح
تتمنى تموت و انت عايش
او تعيش بس مش على الهامش
لما تحس انك نصين لحاجة واحدة بس مش بتوع بعض
نص برق و التانى رعد”
― أحمد حلمي, 28 حرف

“والآن أشهد أن حضورك موت
وأن غيابك موتان
والآن أمشي على خنجر وأغني...
قد عرف الموت أني أحبك
أني أجدد يوماً مضى ...
لأحبك يوماً وأمضي...”
― محمود درويش

“لو أنني أقول للبحر ما اشعر به نحوك
لترك شواطئه و أصدافه و أسماكه و تبعني!”
― نزار قباني

“يُسمعني.. حـينَ يراقصُني
كلماتٍ ليست كالكلمات
يأخذني من تحـتِ ذراعي
يزرعني في إحدى الغيمات
والمطـرُ الأسـودُ في عيني
يتساقـطُ زخاتٍ.. زخات
يحملـني معـهُ.. يحملـني
لمسـاءٍ ورديِ الشُـرفـات
وأنا.. كالطفلـةِ في يـدهِ
كالريشةِ تحملها النسمـات
يحمـلُ لي سبعـةَ أقمـارٍ
بيديـهِ وحُزمـةَ أغنيـات
يهديني شمسـاً.. يهـديني
صيفاً.. وقطيـعَ سنونوَّات
يخـبرني.. أني تحفتـهُ
وأساوي آلافَ النجمات
و بأنـي كنـزٌ... وبأني
أجملُ ما شاهدَ من لوحات
يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات
يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيءَ معي.. إلا كلمات”
― نزار قباني

“أفكر فيكِ لبضع ثوان ..
فتغدو حياتي حديقة وردِ”
― نزار قباني, أحبك أحبك والبقية تأتى

“وما بين فصل الخريف، وفصل الشتاءْ
هنالكَ فصلٌ أسميهِ فصلَ البكاءْ
تكونُ به النفسُ أقربَ من أيّ وقتٍ مضى للسماءْ”
― نزار قباني, أحبك أحبك والبقية تأتى

“يحدث أحيانا ً أن أبكي
مثل الأطفال بلا سببٍ
يحدث أن أسأم من عيني بلا سببٍ
يحدث أن أتعب من كلماتي
يحدث أن أتعب من تعبي
و بلا سببٍ”
― نزار قباني

“إن الحروف تموت حين تقال”
― نزار قباني, الرسم بالكلمات

“اعتيادي على غيابك صعب
و اعتيادي على حضورك أصعب
كم أنا … كم أحبك … حتى
أن نفسي من نفسها تتعجب
يسكن الشعر في حدائق عينيك
فلولا عينيك لا شعر يكتب”
― نزار قباني