Rawan Ref3at > Rawan's Quotes

“تخشى البحثَ في الظلام، أم أن هناك فوضى تخشى الدخولَ فيها!.”
― أحمد فايز

“أنا المواطن نقط نقط نقط ..
يكون ف علمك أنا مش جبان ...
ولا بتهان وأسكت زي زمان ..
أنا بصرخ وأكتب وأبعت وأتكلم ..
وأسمع بقي يامعلم ..
أنا المواطن نقط نقط نقط ..
رقم قومي نقط نقط نقط ..
محل الأقامة نقط نقط نقط بجوار البنزينة ..
بصراحة حرام تعملوا فينا نقط ونقط ونقط ..
وتطلعوا نقط و نقط أهالينا ..
عملتوا إنتخابات وكلها نقط نقط نقط ..
وشيلتوا وحطيتوا حاجات نقط ونقط ونقط ..
بصراحة ....
أنا بقيت قدام مراتي حاسس إني مش نقط خالص ..
وأقول لها نفسي أبقي نقط بجد ..
تقوللي يا خويا متحرقش دمك ..
محدش بينفع حد ..
حسك ف الدنيا ..
بكره تبقي نقط ونقط ونقط .. !”
― علي سلامة

“بُص .. حا أقولك
م الآخر
أنا عندي عربية
ماركبتهاش
ومعايا فلوس
ماكسبتهاش
وجوزوني بنت حلوة
ماحبتهاش
وإشتريت بدلة جديدة
مالبستهاش

كسرت الحمام وغيرته
ماحستش بأي إنتعاش
خدت بعضي علي جنب
وكان يوم حر .. رطوبة
وقُلت لروحي.
إيه ياعم
إنت طوبة
قاللي لأ
يا صاحبي دي حسبة
ومحسوبة

أنا أصلي زمان
لمست قلبي
غنوة حب جميلة .. جميلة
لكن يا خسارة
ماحضنتهاش”
― علي سلامة

“أصعب شئ في الدنيا
تبقي مفلس
وجيبوبك مليانه فلوس”
― علي سلامة

“زهقت من قولة
دي بنت بألف راجل
أنا عايزة أحس
إني معاك مخلوق ضعيف
وإني فعلا بنتمي لجنسي اللطيف
تحميني من حزني
ومن إحساس مخيف

طول النهار مكشرة
وواخداها جد
ولمّة شعري على ورا
ومش شايفة حد
والدنيا حر موت
وأنا مليانة برد
وكل ده عشان يا دوب
أعدي الرصيف

ما عادش في الشارع شجر
بيرمي ضل
وكل يوم حاجات تضيع
وحاجات تقل
وأنا خلاص
ماعرفش ليه بقيت أملّ
واعذرني لو كان الكلام
مُر وسخيف”
― علي سلامة

“ناس ترمى الحَب للحمام وناس تدبحه
وناس تروح مع الأيام ننساها وتنسانا
وناس تكمل معانا.. زى النسيم.. يطبطب علينا
فى عز ما احنا بنجرحه !”
― علي سلامة

“كل ما أعرفك أكتشف
قد إيه أنا كنت جاهل
لا بيحس ولا بيشوف ولا بيقدّر
وأخاف أعلن عن جهلي
وأستكبر وأقول لقلبي انساها
يقول ياريتني كنت أقدر”
― علي سلامة

“لماذا يرحل عنا الاحباء و لا يتبقي في حياتنا سوي الناس الأومليت”
― خالد بيومي, واحد كمالة

“أنا لا يهمني كم من الناس أرضيت .. ولكن يهمني أي نوع من الناس أقنعت”
― عباس محمود العقاد