Rawan Ref3at

“زهقت من قولة
دي بنت بألف راجل
أنا عايزة أحس
إني معاك مخلوق ضعيف
وإني فعلا بنتمي لجنسي اللطيف
تحميني من حزني
ومن إحساس مخيف

طول النهار مكشرة
وواخداها جد
ولمّة شعري على ورا
ومش شايفة حد
والدنيا حر موت
وأنا مليانة برد
وكل ده عشان يا دوب
أعدي الرصيف

ما عادش في الشارع شجر
بيرمي ضل
وكل يوم حاجات تضيع
وحاجات تقل
وأنا خلاص
ماعرفش ليه بقيت أملّ
واعذرني لو كان الكلام
مُر وسخيف”
― علي سلامة

“لماذا يرحل عنا الاحباء و لا يتبقي في حياتنا سوي الناس الأومليت”
― خالد بيومي, واحد كمالة

“أصعب شئ في الدنيا
تبقي مفلس
وجيبوبك مليانه فلوس”
― علي سلامة

“كل ما أعرفك أكتشف
قد إيه أنا كنت جاهل
لا بيحس ولا بيشوف ولا بيقدّر
وأخاف أعلن عن جهلي
وأستكبر وأقول لقلبي انساها
يقول ياريتني كنت أقدر”
― علي سلامة