Eslam > Eslam's Quotes

“وازاى هاضحك من قلبى وأنا قلبى واخدها بجد؟”
― عمر طاهر, قهوة وشيكولاتة

“ازاى الخوف وصلنى لدرجة انى ماخافش؟
ياللى فرقتوا الحب أنا قلبى بجد ماخدش”
― عمر طاهر, قهوة وشيكولاتة

“الأشخاص كالألوان , إذا رحل عن حياتك اللون الأحمر قد يهون عليك اللون الأخضر بعض الألم , لكنه مهما كان مخلصا لن يصبح أحمر فى يوم من الأيام”
― عمر طاهر, جر ناعم

“الحياة كوميدية بالنسبة للناس اللى دماغهم عاليه و مأساة بالنسبة للناس اللى احساسهم عالى”
― عمر طاهر, جر ناعم

“عندى صحيح حاجات كتير
لكن ناقصنى حاجات أكتر
ناقصنى إني أقدر أطير
و أنا عارف أنى فى يوم هقدر”
― عمر طاهر

“كان نفسى أكون سفاح
بس مجيبتش مجموع”
― عمر طاهر

“إذا كانَت البدايات وحدها جميلة، دعنا نبدأ مجددًا، دعنا نبدأ مرارًا وتكرارًا، دعنا لا ننتهي أبدًا، دعنا لا نتوسط ولا نتعمق ولا نمل فننتهي، دعنا نبدأ ثُم ننسى أننا بدأنا ونعيد البداية، وننسى إلى اللا نهاية.”
― أسما حسين

“مش مهم
كلمة جديدة إكتشفتها النهاردة الصبح أول ما صحيت من النوم
"مش مهم ”
― عمر طاهر, عرفوه بالحزن

“لو الواحد بيختار المشاهد اللي بيشوفها
مكنتش هختار إني أشوف مشهد وداعك
كنت ودعتك وعينيا مغمضين
كنت ودعتك وأنا بمسح دموعي بإيديا الإتنين
لو الواحد بيختار يودّع مين”
― عمر طاهر, عرفوه بالحزن

“إفتح يا صاحبي في الهوى محضر
مين اللي خلي سعري في الهوى..ببلاش ؟؟!
الراديو طول الليل بينقط السكر
والقلب طول العمر في غرفة الإنعاش”
― عمر طاهر, عرفوه بالحزن

“واللي إنكتب بالجاف مبيتمسحش خلاص
و الدُنيا مفيهاش حرف بينكتب برصاص !”
― مصطفى إبراهيم

“بدون ما أعرف سبب واضح ...
عشان أزعل...
أنا زعلان !”
― مصطفى إبراهيم

“الجاي مِش أد اللي راح ؟
وللا إللي جاي أكتر ؟
الشاش على أد الجراح ؟
وللا الجِراح أكبر ؟”
― مصطفى إبراهيم

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم

“بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر”
― مصطفى إبراهيم

“يا بشر عرفاني و عارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين”
― مصطفى إبراهيم, ويسترن يونيون فرع الهرم

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

“ان كان ولابد تبيع نفسك بيع نفسك فرط..
لميت واحد قالك أحسنلك .. تتبعتر أحسن..
ما يلمك جيب واحد”
― مصطفى إبراهيم, ويسترن يونيون فرع الهرم

“ساب الجاكت في الفاترينه
بعد ما قاس
ساب الجزمه في الكرتونه
بعد ما داس
حط التلج وبلع بق
وساب الكاس
ساب حكاياته للي حاكيها
وفضي حياته للي ماليها
ساب الدنيا بكل مافيها
بعد ماجرب كل الناس”
― مصطفى إبراهيم

“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
― مصطفى إبراهيم, ويسترن يونيون فرع الهرم

“أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مله ودين”
― مصطفى إبراهيم

“و الدنيا جمع و بس مفيهاش علامة طَرح !”
― مصطفى إبراهيم

“العيال اللى كانت بتقعد ف أول ديسك وبيتصاحبوا على المدرسين ويفتنوا على أصحابهم، غالبًا لما يكبروا بيبقوا إخوان. والعيال عديمة الموهبة اللي نفسهم يبقوا حاجة بالعافية، بيكبروا ويبقوا ظباط. والعيال اللى كانت بتجيب معاها حلويات مستوردة والمقلمة أم دورين، هم وأصحابهم بيبقوا فلول. والعيال اللى كانت بتقعد معاك ورا تقشّر يوستفاندى وتقزقز لب سوبر وتقلب ريحة الفصل، بيكبروا يبقوا ليبراليين ويطلع ميتين أبوهم علشان علّموا على كل العيال دى وهمّ صغيرين.”
― مصطفى إبراهيم

“أدين بـ دين الجدعنة و بـ دين رفاق الدرب

و بـ قولة إحنا مش أنا فـ المعمعة و الضرب

و بـ دين ما كنت مصدّقه فـ المعركة الأولى

و بـ دين جثث فـ المشرحة أساميها مجهولة

و أدين من ساب على الأسفلت اخواته مقتولة

و اقوله التوبة مقبولة إلا فـ وقت الحرب”
― مصطفى إبراهيم, المانيفستو

“عيشوا المشاهد
كل مشهد
زى ما يكون الاخير
واشبعوا ساعه الوداع
وأحضنوا الحاجه بضمير
دا اللى فاضل مش كتير
اللى فاضل مش كتير”
― مصطفى إبراهيم, ويسترن يونيون فرع الهرم

“كل الحاجات حواليك...

ف الكادر سانده عليك....

لو جيت وشلْت اديك....

الصورة تتفركش ….

ضلك على الحيطه ….

كان خافي عنها النور ….

وطلّعها بتنغمش...

كفك على السفره...

من غيره كان إزاي...

مفرشها يتكرمش ؟..

بصمة صباع إيدك...

لسّاها ع الشبابيك...

ميت ألف تفصيله...

ملهاش وجود غير بيك..

وإنتا عليك تختار...

حتبدّي مين على مين ؟..

وتبدّي إيه على إيه ؟..

الجاي والجايين ؟

وللا اللي خدت عليه ؟

أصل الحياه للعلم..

مفهاش حاجات ببلاش..

وعشان ماتصبح فيلم...

وأصلا عشان تتعاش..

كادر الحياه المشحون...

فرح والم وشجون..

لازم يكون
بيلف....

لازم يكون….
بيدور..


يتقل عليك ويخف..

ويعشّمك بالنور..

ف نهاية المشوار...

ونا قلبي لف و دار.....

ميت ألف ليل ونهار....

نفسه ف فرحه كادوه.....

وحلاوه من غير نار....

ومّا الزمن تعبه...

قصقص شريط الفيلم....

وخَد كادر كان عاجبه....

وقرر يعيش ف الحلم.....”
― مصطفى إبراهيم, ويسترن يونيون فرع الهرم

“القدر مش أمر واقع أو قضية منتهية
القدر تخمين إلهي إحتماله مية مية”
― مصطفى إبراهيم

“و كن من أنتَ حيث تكون
و احمل عبءَ قلبِكَ وحدهُ”
― محمود درويش

“في داخلي شُرْفَةٌ
لا يَمُرُّ بها أَحَدٌ للتَّحيَّة.”
― محمود درويش