Hadeer > Hadeer's Quotes

“أشفق على قلبي من التعلق بأشخاص مهما اقتربوا سيرحلون يوما .. فأرافق أشياء ،، كتب وكلمات ،، موسيقى وورود ،، جدران ولوحات ،، هي أشياء تبهج الوحدة عندما يرحل البشر”
― رشا نعمان

“أريد أن أرحل عن مدن لا تشبهني إلى مدن لا تعرفني ♥
فربما إن رحلت تختفي ملامحك من عيني ♥”
― رشا نعمان

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

“انساب وليه تنربط
ياللى ف ضهرك جناح
احزن عشان تنبسط
وموت علشان ترتاح
دا الموت يعيدك لأصلك
بس انت موتك معصلج
ياللى انت وشك غريب
ياللى انت قلبك محاصرك
انساب و ليه تنربط
ياللى فى ضهرك جناح
احزن عشان تنبسط
و موت علشان ترتاح
امشى فى حظر التجول
واضحك فى عين التسول
تعتـر على المفتــاح
انساب”
― ميدو زهير